अर्थतन्त्र

बिहीबार सुनकाे मूल्यमा वृद्धि, कतिमा हुँदैछ काराेबार ?

काठमाडाैं । नेपाली बजारमा सुनको मूल्य सामान्य रुपममा वृद्धि भएको छ ।  बुधबारको तुलनामा बिहीबार सुन तोलामा २०० रुपैयाँले वृद्धि भएको नेपाल सुनचाँदी व्यवसायी महासंघले जनाएकाे छ । 

महासंघका अनुसार बिहीबारका लागि छापावाला सुनको मूल्य प्रतितोला ९४ हजार ५०० रुपैयाँ, तेजावी सुनको मूल्य ९४ हजार रुपैयाँ र चाँदीको मूल्य तोलाको १ हजार २८० रुपैयाँ कायम गरिएको छ ।

हिजाे  छापावाला सुन तोलाको ९४ हजार ३०० रुपैयाँ, तेजावी सुन ९३ हजार ८०० रुपैयाँ र चाँदी प्रतितोला १ हजार २८० रुपैयाँमा कारोबार भएको थियो ।

बिहीबार सुनको मूल्य बढेपनि चाँदीको मूल्य स्थीर रहेको महासंघले जनाएको छ ।

महासङ्घले अन्तरर्राष्ट्रिय बजारमा हुने सुनचाँदीका मूल्यको उतार चढावका आधारमा यहाँँ दैनिक सुन तथा चाँदीको कारोबार मूल्य तोक्दै आएको छ । अन्तरराष्ट्रिय बजारमा सुन प्रतिऔँस एक हजार ८६६ डलर आसपासमा कारोबार भइरहेको छ ।

गाउँ सहर संवाददाता

तपाईँको मत