राजनीति

नेता हुन सजिलाे कहाँ छ र, उम्मेद्वार हुन याे शुल्क ! अरू त जात्रैजात्रा

• गाउँ सहर संवाददाता
• ३० कार्तिक मंगलबार, २०७८ | १३:११:०० मा प्रकाशित

काठमाडाैँ । नेता हुनै याे खर्च छ, अरू त के के । अनेक तिकडामबाज गरेर उम्मेद्वार हुन खाेज्नेले नेपाली कांग्रेसमा शुल्ककाे भारी तिर्नुपर्छ ।

नेपाली कांग्रेसले उम्मेदवारी दर्ता शुल्क तोकेको छ । कांग्रेसले १४ औं महाधिवेशनका लागि विभिन्न तह र पदको उम्मेदवारी शुल्क तोकेको हो । कांग्रेसले केन्द्रीय सभापतिका लागि ३० हजार उम्मेदवारी शुल्क तोकेको छ ।

यस्तै केन्द्रीय उपसभापति र महामन्त्रीका लागि २५ हजार शुल्क निर्धारण गरिएको छ । सहमहामन्त्रीका लागि भने २० हजार शुल्क तोकिएको कांग्रेसले जनाएको छ । केन्द्रीय सदस्यमा उठ्न चाहने उम्मेदवारले १० हजार शुल्क बुझाउनुपर्ने छ ।

प्रदेश महाधिवेशन प्रतिनिधिका लागि ३ हजार, केन्द्रीय महाधिवेशन प्रतिनिधिका लागि ५ हाजार र केन्द्रीय महासमिति सदस्यका लागि सात हजार शुल्क निर्धारण गरिएको कांग्रेसले जनाएको छ ।

पार्टीको अनुसूची २५ अनुसार उम्मेदवारी शुल्क तोकिएको कांग्रेसले जनाएको छ ।