राजनीति

रास्वपाले ३, नेपाली कांग्रेसले २ तथा नेपाली कम्युनिष्ट पार्टी नेकपाले एक स्थानमा जित, अग्रता रास्वपाकै

• गाउँ सहर संवाददाता
• २२ फाल्गुण शुक्रबार, २०८२ | २०:०३:०० मा प्रकाशित

काठमाडौँ । प्रतिनिधि सभा सदस्यको बिहीबार भएको निर्वाचनको पछिल्लो मत परिणामअनुसार राष्ट्रिय स्वतन्त्र पार्टीले ३, नेपाली कांग्रेसले २ तथा नेपाली कम्युनिष्ट पार्टी नेकपाले एक स्थानमा जित हासिल गरेको छ ।

रास्वपा काठमाडौँ १ मा विजयी भएको हो । काठमाडौँ १ मा रञ्जु न्यौपाने दर्शना विजयी भएकी छिन् ।

त्यसैगरी काठमाडौँ ६ मा रास्वपा उम्मेदवार शिशिर खनाल विजयी भएका छन् । खनालले २७ हजार ७ सय १९ मत प्राप्त गरेका छन् ।

त्यसैगरी काठमाडौँ ८ मा रास्वपाका उम्मेदवार विराजभक्त श्रेष्ठ विजयी भएका छन् । उनले २४ हजार ५ सय ९२ मत प्राप्त गरेको निर्वाचन आयोगले जनाएको छ ।

कांग्रेस मुस्ताङमा विजयी भएको हो । योगेश गौचन थकाली विजयी भएका हुन् । 

कांग्रेसले मनाङमा सफलता हासिल गरेको हो । कांग्रेस उम्मेदवार टेकबहादुर गुरुङ निर्वाचित भएका हुन् । गुरुङ दुई हजार ४१५ मतसहित निर्वाचित भएका हुन्।

पूर्वप्रधानमन्त्री एवं नेपाली कम्युनिष्ट पार्टी नेकपाका संयोजक पुष्पकमल दाहाल प्रचण्ड विजयी भएका छन् । प्रचण्ड रूकुम पूर्वबाट विजयी भएका हुन् ।

यता १४७ स्थानको मतगणना भइरहँदा रास्वपाले १०७ स्थानमा अग्रता हासिल गरेको छ । नेपाली कांग्रेस ११, नेकपा एमाले ११ र नेपाली कम्युनिष्ट पार्टी ७ स्थानमा अगाडि रहेको निर्वाचन आयोगले जनाएको छ ।

त्यस्तै श्रम संस्कृति ४, राप्रपा ३, उज्यालो नेपाल १, प्रलोपा १ र स्वतन्त्रमा १ स्थानमा अगाडि रहेको छ ।