गाउँ सहर

गठबन्धन उपनिर्वाचनसम्म मात्र हो : प्रधानमन्त्री देउवा

• गाउँ सहर संवाददाता
• २९ कार्तिक सोमबार, २०७८ | १३:४०:०० मा प्रकाशित

काठमाडौं । प्रधानमन्त्री शेरबहादुर देउवाले हालको गठबन्धनको सहकार्य आगामी उपनिर्वाचनसम्म मात्र भएको स्पष्ट पारेका छन् । आगामी चुनावमा गठबन्धन गर्नेबारे कांग्रेस केन्द्रीय कार्यसमितिको बैठकमा उठेका प्रश्नहरूको जवाफ दिदै सभापति देउवाले गठबन्धनको सहकार्य प्रतिनिधिसभासम्म नहुने स्पष्ट पारेका हुन् ।

नेपाली कांग्रेसको हिजाे बसेको बैठकमा नेताहरुले उठाएको प्रश्नको जवाफ दिने क्रममा देउवाले आगामी प्रतिनिधिसभाको बैठकमा गठबन्धन गर्ने बारे कुनै सहमति नभएको जिकिर गरे ।

प्रधानमन्त्री देउवाले गठबन्धन दलहरूबीच बनेको राजनीतिक समन्वय समिति राष्ट्रियसभा चुनावसम्ममात्रै सक्रिय हुने बताए । गत कात्तिक २२ मा बसेको सत्ता गठबन्धनको बैठकले कांग्रेस वरिष्ठ नेता रामचन्द्र पौडेलको संयोजकत्वमा ११ सदस्यीय राजनीतिक संयन्त्र (समन्वय समिति) गठन गरेको थियो ।