स्वास्थ्य

जब पक्षघातकाे कुरा आउँछ, हरेक मिनेट महत्वपूर्ण हुन्छ

• गाउँ सहर संवाददाता
• १२ कार्तिक शुक्रबार, २०७८ | ११:३८:०० मा प्रकाशित

काठमाडौँ । आज विश्व पक्षघात दिवस, विभिन्न सचेतनामूलक कार्यक्रमहरू गरि मनाइँदैछ ।

यसै सन्दर्भमा स्वास्थ्य तथा जनसंख्या मन्त्रालयले पनि विभिन्न सूचना र कार्यक्रमहरू गरेर मनाउँदै छ ।

उसले भनेको छ- जब पक्षघातको कुरा आउँछ, हरेक मिनेट महत्वपूर्ण हुन्छ ।

मन्त्रालयका अनुसार मस्तिष्कको कुनैपनि भागमा रगत आपूर्ति बन्द हुनुलाई स्ट्रोक अर्थात पक्षघात भनिन्छ । यसका लक्षणहरू पहिचान गरी तुरून्तै अस्पताल गएमा ज्यान जोगाउन तथा अपाङ्गता हुने सम्भावना कम गर्न सकिन्छ ।

पक्षघातको मुख्य लक्षणहरू ः

• एकापट्टिको मुख बाङ्गो हुनु ।
• शरीरको एक पाटो झमझमाउनु वा कमजोर भएको महशुष हुनु ।
• बोली लरबरिनु वा बोल्न नसक्नु ।

कसरी रोक्ने ?

• मानसिक तनाव कम गरेर ।
• अस्वस्थ जीवनशैली त्यागेर ।
• धूमपान नगरेर ।
• मदिरापान नगरेर ।
• उच्च रक्तचाप नियन्त्रण गरेर ।