स्वास्थ्य

नयाँ कोरोना संक्रमित ६७९ थपिए, १ हजार ४०५ डिस्चार्ज, सक्रिय संक्रमण १६ हजार ८०४

• गाउँ सहर संवाददाता
• १७ असोज आइतबार, २०७८ | १६:४४:०० मा प्रकाशित

काठमाडौँ । कोरोनाभाइरसका कारण पछिल्लो २४ घण्टामा थप ७ जनाको मृत्यु भएको छ । योसहित कुल मृतकको संख्या ११ हजार १६४ पुगेको छ ।

स्वास्थ्य तथा जनसंख्या मन्त्रालयका अनुसार १० हजार ९२० को परीक्षण गर्दा नयाँ ६९७ संक्रमित थपिएका छन् । योसहित कुल संक्रमितको संख्या पिसिआर परीक्षणबाट ७ लाख ९७ हजार १९२ र एन्टिजेन विधिबाट ९२ हजार ३४ पुगेको छ । 

मन्त्रालयका अनुसार पछिल्लो समयमा निको हुनेको संख्या १ हजार ४०५ छ । योसहित कुल निको हुनेको संख्या ७ लाख ६९ हजार २२४ पुगेको छ ।

मन्त्रालयका अनुसार अहिले ३३७ जना संक्रमित सघन र १०४ जनाको भन्टिलेटरमा उपचारार्थ छन् । देशभरका संस्थागत क्वारेन्टाइनमा रहनेको संख्या २५२, होम आइसोलेशनमा रहने १५ हजार ५३७ र संस्थागत आइसोलेशनमा १ हजार २७० रहेका छन् ।

देशमा सक्रिय संक्रमण १६ हजार ८०४ मा रहेको छ ।

मन्त्रालयका अनुसार निको हुनेको प्रतिशत ९६.५ छ । पूर्ण खोप लगाउनेको संख्या ६३ लाख ५२ हजार ३२२ पुगेको छ । पछिल्लो २४ घण्टामा मात्र २६ हजार ४१९ जनाले खोप लगाएका छन् ।

मन्त्रालयका अनुसार संक्रमण दर १८.९ प्रतिशत र मृत्यु प्रति दशलाखमा ३७६.३ रहेको छ । अझैपनि ८ जिल्लामा ५०० बढी संक्रमित र १९ जिल्लामा २०० बढी संक्रमित रहेका छन् ।