स्वास्थ्य

कोरोनाबाट थप १६ जनाकाे मृत्यु, थपिए २००४—निको भए १८४६

• गाउँ सहर संवाददाता
• १७ भदौ बिहीबार, २०७८ | १६:२९:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा १६ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या १० हजार ७८६ पुगेको छ ।

पछिल्लो २४ घण्टामा १४ हजार ६५० को परीक्षण हुँदा २ हजार ४ संक्रमित थपिएका छन् । 

आजसम्म जम्मा ४४ लाख १३ हजार ६७६ (पिसिआर र एन्टिजेन) परीक्षण भएको छ । जसबाट ८ लाख ५० हजार २०८ संक्रमित पहिचान भएका हुन् ।

अहिलेसम्मका संक्रमितमध्ये ५४४ सघन र १६६ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ८४६ छ । योसहित कुल निको हुनेको संख्या ७ लाख २१ हजार १८२ पुगेको छ ।

देशभरका क्वारेन्टाइनमा रहनेको संख्या ३०२ र होम आइसोलेशनमा रहेको संख्या ३१ हजार ६१९ छ भने संस्थागत आइसोलेशनमा रहेको संख्या २ हजार ३२७ छ ।

देशमा सक्रिय संक्रमितको संख्या ३३ हजार ६१९ रहेको छ ।

मन्त्रालयका अनुसार संक्रमण दर १९.५ प्रतिशत र मृत्यु प्रति दश लाखमा ३६३.५ रहेको छ ।

मन्त्रालयका अनुसार १९ जिल्लाहरुमा ५०० भन्दा बढी सक्रिय संक्रमित रहेका छन् ।

अहिलेसम्म पूर्ण खोप प्राप्त गर्नेको संख्या ४६ लाख ७७ हजार ९७६ पुगेको मन्त्रालयले जनाएको छ ।

उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

नियमित खाेप नछुटाेस् है...