अर्थतन्त्र

मौद्रिक नीतिपछि शेयर बजारमा सामान्य उतारचढाव, नेप्से सामान्य अंकले सुधार

• गाउँ सहर संवाददाता
• ३२ श्रावण सोमबार, २०७८ | १५:४७:०० मा प्रकाशित

काठमाडाैं । साताकाे पहिलाे दिन २१ अर्ब बराबरकाे काराेबार भएर कीर्तिमान राखेकाे शेयरबजारमा दाेस्राे दिन (आज) साेमबार गिरावट आएकाे छ । तर नेप्सेमा भने सामान्य अंकले बढेकाे छ । 

यो दिन २ करोड ८६ लाख १७ हजार ८०५ कित्ता सेयर १५ अर्ब ९३ करोड ८ लाख ९७ हजार ९३७ रुपैयाँमा कारोबार भएको छ ।

नेप्से परिसूचक ५.७५ अंकले बढेर ३१६०.०९ अंकमा पुगेको छ ।

यो दिन १०४ वटा कम्पनीको सेयर मूल्य बढेको छ भने १११ वटा कम्पनीको सेयर मूल्य घटेको छ । साथै १२ वटा कम्पनीको सेयर मूल्य स्थिर भएको छ ।

सोमबार कारोबारमा आएका १३ उपसमूहमध्ये ६ उपसमूहको सूचक बढेको छ भने ५ वटा उपसमूहको सूचक घटेको छ । अन्य उपसमूह भने स्थिर छ ।

यसदिन जीवन विकास लघुवित्त, रिडी हाइड्रोपावर डेभलपमेन्ट कम्पनी, खानीखोला हाइड्रोपावर कम्पनी, नेशनल हाइड्रोपावर कम्पनी र कर्पोरेट डेभलपमेन्ट बैंकहरूमा सर्किट लागेकाे छ । 

आइसिएफसि फाइनान्स, माउन्टेन इनर्जि, युनियन लाइफ, ङादी ग्रुप पावर, एसविआई बैंक शेयर मूल्य घटेकाे छ । 

नेशनल हाइड्रोपावर र नेपाल बैंकको सबैभन्दा धेरै काराेबार भएकाे छ । 

मौद्रिक नीतिपछि बजारमा सामान्य उतारचढाव देखिएको छ ।