स्वास्थ्य

विश्वभर साढे १८ करोड जना कोरोनामुक्त, १ कराेड ७१ लाखमा भाइरस सक्रिय, एक लाखभन्दा बढि गम्भिर

• गाउँ सहर डेस्क
• ३२ श्रावण सोमबार, २०७८ | ०७:२९:०० मा प्रकाशित

काठमाडौं । पछिल्लाे समय विश्वभर पुन: काेराेनाका संक्रमित बढ्न थालेकाे छ । पछिल्लाे २४ घण्टामा ४ लाख ६७ हजार थपिएका छन् भने ८ हजार ८१ काे मृत्यु भएकाे छ । त्यसैगरि ४ लाख २३ हजार जना निकाे भएका छन् ।

संक्रमितमध्ये हालसम्म विश्वभर निको हुनेको संख्या १८ करोड ६४ लाख ४२ हजार जनाभन्दा बढि छन् । विश्वभर हाल १ कराेड ७१ लाख ६१ हजार जनामा काेराेनाभाइरस सक्रिय छ ।

वर्ल्डोमिटर्स डट इन्फोकोरोनाभाइरसका अनुसार संक्रमितको संख्या भने २० करोड ७९ लाख ७८ हजार नाघेको छ भने मृतकको संख्या ४३ लाख ७४ हजार ६६८ जना पुगेको छ । 

यो समाचार तयार पार्दासम्मको इन्फोका अनुसार सक्रिय केशमध्ये १ लाख ६ हजार ६९१ जनाको अवस्था गम्भीर छ ।

भाइरसका कारण अमेरिकामा हालसम्म विश्वमै सबैभन्दा बढि संक्रमित र मृत्यु भएको छ । अमेरिकामा ३ कराेड ७४ लाख ६६ हजार भन्दा बढि संक्रमितमध्ये त्यहाँ अहिलेसम्म ६ लाख ३७ हजार भन्दा बढि जनाले ज्यान गुमाइसकेका छन् भने २० हजारको अवस्था गम्भीर छ । अहिलेसम्म ३ कराेड १ लाख ५३ हजार भन्दा बढि जना निको भइसकेका छन् भने पछिल्लाे २४ घण्टामा ३० हजार थपिएसँगै कुल ६६ लाख ७५ हजारमा भाइरस सक्रिय छ । 

दाेस्राे नम्बरमा रहेकाे भारतमा थप ४२१ जनाकाे मृत्युसँगै कुल संख्या ४ लाख ३१ हजार ७७४ जनाकाे ज्यान गइसकेकाे छ । पछिल्लाे २४ घण्टामा ३३ हजार २२१ जना नयाँ संक्रमित थपिएका छन् । यससँगै भारतमा संक्रमित संख्या हालसम्म ३ कराेड २२ लाख २५ हजार जना सहित विश्वभर कोरोनाभाइरस धेरै संक्रमण हुने देशहरूको सूचीमा दाेस्राे नम्बरमा छ ।त्यसैगरि हालसम्म ३ कराेड १४ लाख ३ हजार जना निको भएका छन् । सक्रिय केस ३ लाख ८९ हजार जना छन् जसमध्ये ८ हजार ९४४ जनाको अवस्था गम्भीर छ ।

ब्राजिलमा पछिल्लाे २४ घण्टामा १३ हजार संक्रमित भएका छन् भने ३८५ जनाकाे मृत्युसँगै कुल मृत्यु हुनेकाे संख्या ५ लाख ६९ हजारभन्दा बढी छन् । हाल ५ लाख ७६ हजार जनामा काेराेना भाइरस सक्रिय छ । हालसम्म २ कराेड ३ लाख ६४ हजार जना संक्रमितमध्ये १ कराेड ९२ लाख १८ हजार निकाे भइसकेका छन् । विश्वभर सबैभन्दा धेरै संक्रमित हुने देशमा ब्राजिल तेस्राे नम्बरमा छ ।

नेपालमा भाइरस संक्रमित ७ लाख ३२ हजार २७२ जना पुगेका छन् भने ६ लाख ८२ हजार ६८२ जना निको भइसकेका छन् । अहिलेसम्म मृतकको संख्या १० हजार २९२ पुगेको छ भने ३९ हजार २९८ जना उपचाररत छन्  ।