सामान्यले अंक बढेकाे शेयरबजारमा हाइड्राे कम्पनीकाे मूल्य उच्च बृद्धि
- गाउँ सहर संवाददाता
- १७ श्रावण आइतबार, २०७८ | १५:३४:०० मा प्रकाशित
काठमाडाैं । झण्डै ३१ सय अंक पुग्न लागेकाे नेप्से अन्तिममा घटेर सामान्य अंक बढेर बन्द भएको छ ।
काराेबारकाे शुरूवाती समयमा ३०९७ अंकमा पुगेकाे नेप्से अन्तमा १.२५ अंक बढेर ३०८१.०५ विन्दुमा बन्द भएको छ । यस दिन सेन्सेटिभ इण्डेक्स १.२४ अंक, फ्लोट इण्डेक्स ०.०३ अंक र सेन्सेटिभ फ्लोट इण्डेक्स ०.३८ अंक बढेको छ ।
आइतबार लगानीकर्ताको रोजाइमा जलविद्युत कम्पनी परेका छन् । आजको बजारमा सिनर्जी पावर, कालिका पावर, युनिभर्सल पावर, ग्रीन लाइफ हाइड्रोपावर, घलेम्दी हाइड्रोपावर र जीवन विकास लघुवित्तको शेयरमूल्यमा सकारात्मक सर्किट लागेको छ । ङादी ग्रुप पावर, एभरेष्ट इन्सयोरेन्स संस्थापक, सिइडिबि हाइड्रोपावर र माउन्टेन हाइड्रोपावरको शेयरमूल्य पनि ९ प्रतिशतभन्दा धेरैले बढेको छ ।
आइतबारको बजारबाट लक्ष्मी इक्वीटी फण्डका इकाईधनीले सबैभन्दा धेरै गुमाएका छन् । फण्डका लगानीकर्ताले आइतबार मात्रै ६.९८ प्रतिशतले गुमाएका हुन् । चन्द्रागिरी हिल्स, नारायणी डेभलपमेन्ट बैंक, कुमारी इक्वीटी फण्ड, प्रभु इन्स्योरेन्स, र एनआईबिएल समृद्धि फण्ड २ का लगानीकर्ताले ३ प्रतिशत बढीले गुमाएका छन् ।
यस दिन २२६ कम्पनीको १२ अर्ब १० करोड ३८ लाख रुपैयाँ बराबरको ३ करोड ३ लाख ४२ हजार कित्ता शेयर खरिदबिक्री भएको छ ।
कारोबार रकमका आधारमा यस दिन नेशनल हाइड्रोपावर शीर्ष स्थानमा रहेको छ । सो कम्पनीको यस दिन ३६ करोडभन्दा बढीको शेयर कारोबार भएको छ । त्यसैगरी, यस दिन युनाइटेड मोदीको ३४ करोडभन्दा बढीको शेयर कारोबार भएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
प्रतिकृया दिनुहोस