कला

‘मदन पुरस्कार-२०७७’ का लागि छानिए यी नौवटा पुस्तक

• गाउँ सहर संवाददाता
• १५ श्रावण शुक्रबार, २०७८ | १७:३४:०० मा प्रकाशित

काठमाडाैं । ‘मदन पुरस्कार-२०७७’ का लागि नौवटा पुस्तक छनोट भएका छन् । मदन पुरस्कार गुठीले कुल २२२ पुस्तकमध्ये नौवटा पुस्तकलाई पुरस्कारका लागि छनोट गरेको जनाएको छ ।

गिरी श्रीस मगरको एकलब्यको देब्रे हात, कृष्ण अविरलको करिया, कुमार नगरकोटीको कल्प ग्रन्थ, वैरवबहादुर थापाको नृत्याक्षर विज्ञान, प्रभा बरालको फिलिङ्गो, लेखनाथ क्षेत्रीको फुलाङ्गे, केशव दाहालको मोक्षभूमि, जेशन कुँवरको रमिते र भगिराज इङनामको लिम्बुवान्‌को ऐतिहासिक दस्ताबेज संग्रह छनोट सूचीमा परेका छन् । 

छनोटमा परेका यी पुस्तकमध्ये एउटाले मदन पुरस्कार पाउने छ । बढीमा १० पुस्तकको सूची तयार गर्न गठन भएको समितिले गुठीलाई नौ पुस्तकको नाम उपलब्ध गराएको गुठीले जारी गरेको विज्ञप्तिमा उल्लेख छ ।