अर्थतन्त्र

साढे ४१ हजारले पाए १० कित्ताका दरले सुपरमाई हाइड्रोपावरको शेयर

• गाउँ सहर संवाददाता
• ५ फाल्गुण शुक्रबार, २०७९ | ११:२६:०० मा प्रकाशित

काठमाडाैं । सुपरमाई हाइड्रोपावर लिमिटेडको आईपीओ बाँडफाँट भएको छ । कम्पनीको शेयर निष्काशन तथा बिक्री प्रबन्धक सानिमा क्यापिटलको कार्यालयमा कम्पनीको आईपीओ बाँडफाँट भएको हो ।

सुपरमाई हाइड्रोपावर लिमिटेडले माघ २३ गतेदेखि २६ गतेसम्म सर्वसाधारणका लागि ४ लाख १५ हजार कित्ता आईपीओ निष्काशन गरेको थियो । सो आईपीओमा कुल १३ लाख २२ हजार ४९२ जनाले १ करोड ४३ लाख २७ हजार ९२० कित्ता शेयरका लागि आवेदन दिनएका थिए । सोमध्ये १३ लाख १८ हजार ३२० आवेदन स्वीकृत भएको छ ।

स्वीकृत आवेदनमध्ये ४१ हजार ५०० जनाले १० कित्ताका दरले कम्पनीको शेयर प्राप्त गरेका छन् ।