अर्थतन्त्र

शुक्रवार नेपाली बजारमा सुनको मूल्य बढ्याे

• गाउँ सहर संवाददाता
• २५ असार शुक्रबार, २०७८ | १४:०६:०० मा प्रकाशित

काठमाडौँ । साताको अन्तिम कारोबार दिन शुक्रवार पनि नेपाली बजारमा सुनको मूल्य बढेको छ ।

स्थानीय बजारमा अघिल्लो कारोबार दिन अर्थात् बिहीवार रू. १०० ले बढेको सुनको मूल्य शुक्रवार पनि सोही अंकले बढेकोे हो । 

नेपाल सुनचाँदी व्यवसायी महासंघका अनुसार शुक्रवार छापावाला सुन प्रतितोला रू. ९२ हजार ४०० मा कारोबार भएको छ । बिहीवार छापावाला सुनको मूल्य प्रतितोला रू. ९२ हजार ३०० मा कारोबार भएको थियो । बिहीवारको तुलनामा शुक्रवार छापावाला सुन प्रतितोला रू. १०० ले बढेको हो ।

त्यसैगरी, तेजाबी सुन प्रतितोला रू. ९१ हजार ९०० मा कारोबार भएको छ । बिहीवार तेजाबी सुन प्रतितोला रू. ९१ हजार ८०० मा कारोबार भएको थियो । 

यस्तै, शुक्रवार चाँदीको मूल्य भने घटेको छ । बिहीवार प्रतितोला रू. १ हजार ३१० मा कारोबार भएको चाँदी शुक्रवार रू. ५ ले घटेर प्रतितोला रू. १ हजार ३०५ पनि सोही मूल्यमा किनबेच भइरहेको छ ।