गाउँ सहर

अभिनेत्री जेनी कुँवर अपार्टमेन्टमा मृत फेला

काठमाडौं । अभिनेत्री जेनी कुँवर मृत फेला परेकी छन् । बिहीबार बेलुकी काठमाडौंको थापागाउँस्थित अपार्टमेन्टमा उनलाई मृत अवस्थामा फेला पारेको काठमाडौं प्रहरी प्रमुख अशोक सिंहले जानकारी दिए ।

'उहाँको शव झुन्डिएको अवस्थामा फेला परेको हो । घटनास्थलले उहाँको आत्महत्या भएको देखिन्छ । हाम्रो टिम त्यहाँ अनुसन्धानमा खटिएको छ,' सिंहले भने । उनका अनुसार घटनास्थलमा सुसाइड नोट भेटिएको छ ।

उनका श्रीमानले प्रहरीलाई दिएको बयान अनुसार एकवर्षदेखि जेनी डिप्रेसनमा थिइन् र औषधि सेवन गरिरहेकी थिइन् । ६ महीना बिपस्यानामा बसेकी जेनीको मानसिक अवस्था पनि कमजोर भएको थियो । 

पछिल्लो समय साधुको अवतारमा रहेकी उनी आफ्नो अधिकांश समय पशुपति मन्दिर परिसरमा बिताउँथिन् । पशुपति परिसरमै प्रहरीसँग लफडा गरेर उनी युट्यूवमा भाइरल भएकी थिइन् । 

जेनीका छोरा र छोरी विदेशमा छन् ।

जेनीले 'घायल', 'खरानी', 'हलचल', 'जिन्दगानी', 'मैदान', 'जीवनदाता' लगायत दर्जन फिल्ममा अभिनय गरेकी छन् ।

गाउँ सहर संवाददाता

तपाईँको मत