अर्थतन्त्र

नेप्से परिसूचक घटेसँगै काराेबार रकम पनि ४ अर्बमा खुम्चियाे

• गाउँ सहर संवाददाता
• २२ असार मंगलबार, २०७८ | १५:३२:०० मा प्रकाशित

काठमाडाैं । नेपाल स्टक एक्सचेञ्ज (नेप्से)मा आज मंगलबार सामान्य अंकको गिरावट आएको छ । आज नेप्से ५.२४ अंकले घटेर २८१८.१० बिन्दुमा झरेको छ । सेन्सेटिभ इन्डेक्स पनि १.९७ अंकले घटेर ५२६.७५ बिन्दुमा झरेको छ

दैनिक २० अर्बसम्म काराेबार भएकाेमा अहिले घटेर ४ अर्बमा सीमित भएको छ ।

आज कूल २२० वटा कम्पनीको १ करोड १ हजार ३५ हजार २०९ कित्ता शेयर ४६ हजार ३१० वटा संख्याको कारोबारबाट ४ अर्ब २२ करोड ४० लाख १८ हजार २५५ रूपैयाँ बराबरमा खरिद बिक्री हुँदा भएका छन् । सोमबार ११.७८ अंकले घटेको बजारमा ४ अर्ब ५८ करोड २२ लाखको शेयर खरिद बिक्रीमा आएका थियो । अघिल्लो दिनको तुलनामा कोरोबार रकम ३५ करोड ८२ लाख रुपैयाँले घटेको हो ।

यसदिन हिमालयन डिष्टीलरी कम्पनी लिमिटेडको सर्वाधिक कारोबार भएको छ । कम्पनीको ३५ करोड ८७ लाख ३९ हजार रूपैयाँको शेयर खरीद बिक्री भएको छ ।

मंगलबारको बजारमा राष्ट्रिय बीमा कम्पनीमा लगानी गरेका लगानीकर्ताले ८.३१ प्रतिशतका दरले नाफा कमाएका छन् । यसैगरी माउण्टेन इनर्जी नेपाल लिमिटेडमा लगानी गरेका लगानीकर्ताले पनि ५.२१ प्रतिशतका दरले नाफा कमाएका छन् ।

त्यसैगरि हाइड्रो इलेक्ट्रसिटी इनभेष्टमेन्ट र अपर तामाकोशीमा लगानी गर्ने लगानीकर्ताले सबैभन्दा धेरै गुमाएका छन् ।