गण्डकी प्रदेशका विभिन्न जिल्लामा अविरल वर्षाका कारण समस्या, खोला तर्ने क्रममा एकजना बेपत्ता
- गाउँ सहर संवाददाता
- १ असार मंगलबार, २०७८ | १९:१६:०० मा प्रकाशित
पोखरा । गण्डकी प्रदेशका विभिन्न जिल्लामा अविरल वर्षाका कारण समस्या देखिएको छ । गोरखा जिल्ला आरुघाट गाउँपालिका–२ ढोडेनि स्थित ठोटनरी खोलाले जिल्ला बर्दिया घर भएका गोबिन्द चौधरीलाई खोला तर्ने क्रममा बगाई बेपत्ता पारेको खबर छ प्रहरीले स्थानीयसंग संयुक्त रुपमा खोजतलास कार्य गरि रहेको बताइएको छ ।
यस्तै नवलपरासीपूर्व बिनयीत्रिबेणी गाउँपालिका–२ दाउन्ने बिश्वकर्मा मन्दिर नजिकै अविरल वर्षातको कारण माथिबाट अचानक पहिरो खस्न जाँदा पूर्व–पश्चिम राजमार्ग दुबै तर्फबाट अबरुद्द भएको र प्रहरी टोली खटिई राजमार्ग एकतर्फी सञ्चालन गराएको छ ।
उता पर्बतको जलजला गाउँपालिका–३ वारीबेनी बस्ने अमृत के.सी.को ढुङगा माटोले बनेको दुई तले कच्ची घर अबिरल वर्षातको कारण भत्कन जाँदा सोही घरसंग सटाएर पार्कीङ गरी राखेको नमस्ते बेकरी उद्योगको ग२च ६४९७ नं.को भ्यानको बाहिरी भागमा क्षतीहुनुका साथै घर पुर्ण रुपमा क्षति भएको छ ।
बागलुङको काठेखोला गाउँपालिका–६ ईनारपानीका शिबलाल कंडेलको ढुङगा माटोले बनेको खरको छानो भएको २ तले कच्ची घरको अगाडिबाट पहिरो गई घर उच्च जोखिममा रहेको, उक्त घरमा बसोबास गर्ने ४ जना बिस्थापित भईसकेका छन् ।
कास्कीको अन्नपुर्ण गाउँपालिका–६ हाईजुङमा वर्षातको कारण टंक बहादुर पुनको घर (मानिस नबस्ने) अगाडी पहिरो आई बासघारी पल्टदा निजको घरको छानोमा हाईटेसन लाईनको तार परेको छ भने बिजुलीको पोल ढलेकाले नयाँपुल र घान्द्रुक जाने लाईन पुर्ण रुपमा अवरोध भएको छ । सोही ठाउँको ज्ञानोदय आधारभुत प्राथमिक विद्यालयको भवन र धन बहादुर नेपालीको ४ जना परिवार संख्या रहेको घर जोखिममा परेको छ भने नयाँपुल घान्द्रुक सडक खण्ड अवरुद्द रहेको छ यस्तै कास्की अन्नपुर्णकै बिरेठाँटीमा मोदी खोलाको पानीको बहाब बडी १५ जना बसोबास गर्ने ६ घरहरु जोखिममा रहेका छन् ।
मनाङको चामे गाउँपालिका–४ मा ठाडे खोलाको बाढीले चामे बजारमा रहेका ४ घर बगाएको, नासो गाउँपालिका–२ धारापानी स्थित मर्स्याङदी नदीमा आएको बाढीले १ घर बगाएकोछ ।
मुस्ताङको थासाङ गाँउपालिका–२ बस्ने खड्क बहादुर बि.क.को घरगोठ पहिरोले जोखिममा रहेको गण्डकी प्रदेश प्रहरी कार्यालय पोखराले जनाएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस