अर्थतन्त्र

शेयरबजारका कुरा : नेप्से परिसूचक र काराेबार रकम दुवै गिरावट

काठमाडाैं । आइतबार काराेबार रकम र नेप्से परिसूचकमासमेत उच्च रेकर्ड कायमा गरेकाे शेयरबजार साेमबार भने राताम्मे भएकाे छ । यसदिन नेप्से परिसूचक र काराेबार रकम दुवै घटेकाे छ । 

साेमबार नेप्से परिसूचक ४५.२५ अंकले घटेर २७८२.६८ अंकमा झरेको छ भने कारोबारमा कुल २ करोड ९५ लाख ११ हजार ६२२ कित्ता सेयर १३ अर्ब ३६ करोड ७९ लाख ४१ हजार ९५६ रुपैयाँमा कारोबार भएको छ ।

यस दिन १६८ वटा कम्पनीको सेयर मूल्य घटेको छ भने ४६ वटा कम्पनीको सेयर मूल्य मात्रै बढेको छ । साथै ४ वटा कम्पनीको सेयर मूल्य स्थिर छ ।

उपसमूहतर्फ म्यूचुअल फण्डबाहेक सबै घटेको छ । जसमा सबैभन्दा धेरे जलविद्युत र ट्रेडिङ उपसमूहमा गिरावट देखिएको छ ।

यो दिन सबैभन्दा बढी कमाउने कम्पनीमा राधी विद्युत् कम्पनी, सेन्ट्रल फाइनान्स, नारायणी डेभलपमेन्ट बैंक, लुम्बिनी विकास कम्पनी, गुँरास फाइनान्स र सोल्टी होटल छन् ।

त्यसैगरी सबैभन्दा बढी गुमाउने कम्पनीहरुमा बरुण हाइड्रोपावर कम्पनी, नेपाल हाइड्रो डेभलपर्स, छ्याङदी हाइड्रोपावर, माउन्टेन हाइड्रो नेपाल लिमिटेड कमपनी छन् ।

कारोबारको आधारमा आज सबैभन्दा बढी कारोबार राधी जलविद्युत कम्पनीको भएको छ ।    

गाउँ सहर संवाददाता

तपाईँको मत