गाउँ सहर

पिएचडी गर्ने नेपाली पहिलो महिला एवम् लेखिका बानिरा गीरीकाे निधन

• गाउँ सहर संवाददाता
• १० जेठ सोमबार, २०७८ | ११:५५:०० मा प्रकाशित

काठमाडौं । कवि एवम् लेखिका डा. बानिरा गिरीको निधन भएकाे छ । 

हृदयाघातका कारण सिभिल अस्पतालमा उपचार क्रममा ७५ वर्षको उमेरमा आइतबार राति उनकाे निधन भएकाे हाे । 

तीन वर्षदेखि अल्जाइमर्सले पीडित उनलाई तीन साताअघि काेराेना संक्रमण पनि देखिएकाे थियाे । 

विद्यावारिधि गर्ने पहिलो महिलाका रुपमा परिचित गिरीले कवि गोपालप्रसाद रिमालमाथि शोध गरेवापत त्रिभूवन विश्वविद्यालयबाटै पिएचडीको उपाधि प्राप्त गरेकी थिइन् ।

उनको पहिलो कविता संग्रह ‘एउटा एउटा ज्यूँदो जंगबहादुर’ कविता संग्रह ‘जीवन थाय् मरु’ उपन्यास ‘कारागार’ लगायत छन् भने दर्जनाैं लेखहरू प्रकाशित छन् ।

उनको अर्को उपन्यास ‘शब्दातीत शान्तनु’ले २०५६ सालमा साझा पुरस्कार पाएको थियो । डा. गिरिका श्रीमान्, एक छोरा र एक छोरी छन् ।