अर्थतन्त्र

तेस्रो त्रैमासमा माछापुच्छ्रे बैंकको अधिकांश सूचक बृद्धि

• गाउँ सहर संवाददाता
• १४ बैशाख मंगलबार, २०७८ | १२:४५:०० मा प्रकाशित

काठमाडाैं । माछापुच्छ्रे बैंक लिमिटेडले चालु आर्थिक वर्षको तेस्रो त्रैमासमा अधिकांश सूचक बृद्धि भएकाे छ । 

मंगलबार सार्वजनिक गरेकाे वित्तीय विवरण अनुसार बैंकले चैत मसान्तसम्ममा १ अर्ब २९ करोड रुपैयाँ खुद नाफा आर्जन गरेको छ । जुन गत आर्थिक वर्षको सोही अवधिको तुलनामा १०.६१ प्रतिशत बढी हो । गत आर्थिक वर्षको यसै अवधिमा बैंकले एक अर्ब १६ करोड खुद नाफा गरेको थियो । चैत मसान्तसम्ममा बैंकको वितरण योग्य मुनाफा ८४ करोड ६९ लाख रुपैयाँ पुगेको छ ।

 

बैंकले समीक्षा अवधिमा निक्षेप संकलनमा २०.५६ प्रतिशतले पनि वृद्धि गरेको छ । गत आवको समीक्षा अवधिमा निक्षेप संकलन १ खर्ब ४ अर्ब ९ करोड रुपैयाँ गरेकोमा बैंकले चालु आवको सोही अवधिमा निक्षेप संकलन १ खर्ब २५ अर्ब ४९ करोड रुपैयाँ गरेको छ ।

त्यसैगरी कर्जा प्रवाहतर्फ बैंकले वृद्धि गरेको छ । गत आवको समीक्षा अवधिमा ९२ अर्ब ५२ करोड कर्जा प्रवाह गरेकोमा बैंकले चालु आवको सोही अवधिमा कर्जा प्रवाह बढाएर १ खर्ब १२ अर्ब ५७ करोड पुर्याएको छ ।

खुद ब्याज आम्दानीसँगै सञ्चालन आम्दानी बढ्दा बैंकको खुद नाफामा सुधार आएको हो । अधिकांस बैंकको ब्याज आम्दानीमा गिरावट आउँदा माछापुच्छ्रे बैंकले भने ब्याज आम्दानी समेत बढाएको छ । समीक्षा अवधिमा बैंकको खुद ब्याज आम्दानी ४.०९ प्रतिशत बढेको छ ।

चैत मसान्तसम्म बैंकमा एक खर्ब २५ अर्ब निक्षेप तथा एक खर्ब १२ अर्ब कर्जा रहेको छ । गत आर्थिक वर्षको चैत मसान्तको तुलनामा चुक्ता पूँजी ७.०३ प्रतिशत बढेको छ भने जगेडा कोष १३.९३ प्रतिशत बढेको छ। हाल बैंकको चुक्ता पूँजी ९ अर्ब ५ करोड रुपैयाँ छ । जसको जगेडाकोषमा ३ अर्ब ५६ करोड रुपैयाँ छ ।

खुद नाफा बढेसँगै बैंकको प्रतिशेयर आम्दानी पनि बढेको छ। बैंकको प्रतिशेर आम्दानी १९ रुपैयाँ १ पैसा, मूल्य आम्दानी अनुपात १८.५२ गुणा तथा प्रतिशेयर नेटवर्थ १३९ रुपैयाँ ३० पैसा छ। बैंकको खराब कर्जा भने केही बढेर ०.५१ प्रतिशत पुगेको छ ।

बैंकको रिजर्भममा १२ अर्ब ६१ करोड रुपैयाँ छ भने वितरणयोग्य नाफा ८४ करोड ६० लाख रुपैयाँ छ ।

बैंकको खराब कर्जा ०.५१ प्रतिशत, कस्ट अफ फण्ड ५.१० प्रतिशत, सीसीडी रेसियो ८०.३९ प्रतिशत, बेस रेट ७.०९ प्रतिशत र स्प्रेड रेट ४.०४ प्रतिशत छ ।