अर्थतन्त्र

बिहीबारको सेयर कारोबारमा नेप्से परिसूचक सामान्य अंकले बढ्याे

• गाउँ सहर संवाददाता
• २६ चैत बिहीबार, २०७७ | १६:१०:०० मा प्रकाशित

काठमाडौं । बिहीबारको सेयर कारोबारमा नेप्से परिसूचक सामान्य अंकले बढेकाे छ । यस दिन नेप्से २.७४ अंकले बढेर २६७४.३६ अंकमा पुगेको छ ।

यसदिन दिन दोस्रो बजारका लगानीकर्ताहरु फाइनान्स तथा लघुवित्त कम्पनीहरुतर्फ आकर्षित भएको देखिएको छ ।

यो दिन १ करोड ३२ लाख ४३ हजार ३६५ कित्ता सेयर ६ अर्ब ४७ करोड ३४ लाख १६ हजार २७३ रुपैयाँ ९५ पैसामा कारोबार भएको छ ।

आजको कारोबारमा सबैभन्दा बढी कमाउने शीर्ष कम्पनीमा एनआइसी एशिया लघुवित्त, ग्रीन लाइफ हाइड्रोपावर, ज्योति लाइफ इन्स्योरेन्स, मल्टिप्रपोज फाइनान्स र रिलायन्स फाइनान्स छन् । त्यसैगरी सबैभन्दा बढी गुमाउने शीर्ष कम्पनीमा युनिभर्सल पावर कम्पनीि, रसुवागढी हाइड्रोपावर, अजोड इन्स्योरेन्स, एनआइस एसिया ग्रोथ र पञ्चकन्या माइ हाइड्रोपावर कम्पनी छन् ।

कारोबार रकमका आधारमा यस दिन अपर तामाकोशी शीर्ष स्थानमा रहेको छ । सो कम्पनीको यस दिन ३६ करोड रुपैयाँभन्दा बढीको शेयर कारोबार भएको छ। त्यसैगरी, यसदिन नेपाल इन्फ्रास्ट्रक्चर बैंक, नेपाल बैंक र चन्द्रागिरी हिल्सको २० करोडाभन्दा बढीको शेयर खरिदबिक्री भएको छ ।

बिहीबार २०७ कम्पनीको ७१ हजार २४१ पटकको कारोबारमा ६ अर्ब ५५ करोड ६६ लाख १६ हजार रुपैयाँ बराबरको १ करोड ३३ लाख ७६ हजार कित्ता शेयर खरिदबिक्री भएको छ । अघिल्लो दिनको तुलनामा यस दिनको कारोबार रकम भने केही घटेको हो ।