शरणार्थी र स्थानीयबीचको सहकार्यमा कार्यक्रम अघि बढिरहने - उपप्रमुख वास्तोला
- गाउँ सहर संवाददाता
- १८ चैत बुधबार, २०७७ | २०:१४:०० मा प्रकाशित
पथरी शनिश्चरे । मोरङको पथरी शनिश्चरे नगर उपप्रमुख यमुना विष्ट वास्तोलाले नगर क्षेत्रमा रहेका भूटानी शरणार्थीहरुका लागि मानवीय सेवाका हिसावले विभिन्न कार्यक्रमहरु सहकार्य गरेर अघि बढ्दै जाने बताएकी छन् ।
उनले आज वडा नम्बर १० स्थित भूटानी शरणार्थी शिविरमा युएनएचसीआरको सहयोग र नेपाल सरकारको समन्वयमा लुथरन विश्व फेडेरेशनले सञ्चालन गरेको ‘लैंगिक विभेदमा आधारित यौनजन्य हिंसाबाट हुने घटनाको नियन्त्रण र समाधान विषयक क्षमता अभिवृद्धि तालिम’ मा बोल्दै सो कुरा बताएकी हुन् ।
कार्यक्रममा उनले विशेषगरी महिला, बालबालिका, ज्येष्ठ नागरिक, अपाङ्गता भएका व्यक्तिहरुका लागि सीपमुलक कार्यक्रम, स्वास्थ्य, शिक्षा, न्याय सम्पादन सहितका मानवीय हिसावले पुर्याउन मिल्ने सहयोगका लागि समन्वयात्मक कार्यक्रम अघि बढाउँदै आएको र थप अघि बढाउँदै जाने प्रष्ट्याएकी थिइन् ।
कार्यक्रममा, नगरका कानूनी सल्लाहकार दीपककुमार राई र महिला तथा बालबालिका शाखा प्रमुख गीता कट्टेलले महिला मञ्च, बाल मञ्च र अपाङ्गता मञ्चका सहभागिका लागि लैंगिक विभेदमा आधारित यौनजन्य हिंसाबाट हुने घटनाको नियन्त्रण र समाधानका बारेमा सहजिकरण गरेका थिए । लुथरनका लील कार्कीले कार्यक्रमको औचित्य प्रष्ट्याएका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एनपिएलको टिकट मूल्य निर्धारण, सामान्य टिकट ५०० रुपैयाँदेखि
- पाथीभरामा तीन महिनामा ३३ लाखभन्दा बढी भेटी संकलन
- बडादशैँको टीका र आशीर्वाद थाप्ने क्रम जारी
- देशभर हर्षोल्लासका साथ विजया दशमी मनाइयो
- विजया दशमीको टीकापछि काठमाडौँ उपत्यकाका सडकमा सवारी चाप बढ्यो
- प्रधानमन्त्रीको विजयादशमी शुभकामना : भ्रष्टाचार र कुशासन हटाउन सबै एकजुट हुनुपर्छ
- दशैँमा काठमाडौँ उपत्यकामा नेपाल प्रहरीको निःशुल्क बस सेवा
- आज विजया दशमी, मान्यजनबाट टीका र आशीर्वाद ग्रहण गरिँदै
- विजयादशमीको टीकाको उत्तम साइत बिहान १०:२६ बजे, टीका थाप्ने व्यक्ति पश्चिम फर्किनुपर्ने
- कोशी, बागमती र गण्डकीका पहाडी क्षेत्रमा बादल, केही स्थानमा वर्षा र हिमपातको सम्भावना
प्राप्त प्रतिक्रिया
तपाईँको मत
.png)
प्रतिकृया दिनुहोस