अर्थतन्त्र

नेप्से घट्न थालेपछि लगानीकर्ता पनि सुस्ताए

• गाउँ सहर संवाददाता
• २६ फाल्गुण बुधबार, २०७७ | १६:३९:०० मा प्रकाशित

काठमाडाैं । पछिल्लो केहि दिन यता नेप्सेसँगै कारोबार रकम पनि निरन्तर घट्दो क्रममा देखिएको छ । निरन्तर नेप्से घट्न थालेपछि लगानीकर्ता पनि सुस्ताएका छन् ।

यस साताको तीनवटै कारोबार दिनमा नेप्से ओरालो लागेको छ । बुधबार पनि ३.४० अंकले घटेकाे छ । 

यसदिन २०५ वटा कम्पनीको ७८ लाख १६ हजार ८७४ कित्ता शेयर ४ अर्ब १० करोड ४ लाख ६ हजार ३३७ रुपैयाँमा खरिदबिक्री भएको छ । मंगलबारको तुलनामा बुधबार कारोबार रकम अझै घटेको हो ।

 

बुधबार कारोबारमा आएका १३ उपसमुहका सूचक मिश्रित देखिएका छन् । ७ उपसमुहको सूचक सकारात्मक रहेको बजारमा ६ वटा ऋणात्मक बनेका छन् । ब्यपार सूचक ८.१५ प्रतिशतले बढोत्तरी भएको बजारमा होटल तथा टुरिजम् २.२० प्रतिशत, अन्य र उत्पादनमुलक सूचक पनि करिब २ प्रतिशतले बढेको छ । वित्त, लगानी र जलविद्युतको इन्डेक्स सामान्य सकारात्मक रहेको छ ।

चन्द्रागिरी हिल्स, घलेम्दी हाइड्रोपावर र नेपाल हाइड्रो डेभलपर्सको शेयरमूल्य ९ प्रतिशतभन्दा धेरैले बढेको छ भने रैराङ हाइड्रोपावर, मिथिला लघुवित्त, शिखर इन्स्योरेन्सको शेयरमूल्य घटेकाे छ । 

बुधबार नेपाल दुरसञ्चार कम्पनीको सबैभन्दा धेरै ५५ करोड ७० लाख रुपैयाँ बरबरको शेयर कारोबार भएको छ भने नेपाल इन्फ्रास्ट्रक्चर बैंकको २० करोड ७१ लाख रुपैयाँ बराबरको शेयर कारोबार भएको छ ।