खेल

आज सहिद स्मारक 'बी' डिभिजन लिग फुटबलमा दुई खेलहरु हुँदै

• गाउँ सहर संवाददाता
• १४ फाल्गुण शुक्रबार, २०७७ | ०९:३१:०० मा प्रकाशित

काठमाडौं । आज सहिद स्मारक 'बी' डिभिजन लिग फुटबलमा दुई खेलहरु हुँदैछ ।

पहिलो खेलमा सातदोबाटो युथ क्लब र खुमलटार युथ क्लबबीच सातदोबाटोस्थित एन्फा कम्प्लेक्समा  १२:१५ बजे सुरु हुनेछ ।

लिगमा सातदोबाटो ६ खेलमा १६ अंक जोडेर शीर्ष स्थानमा रहेको छ । खुमलटार १६ अंक जोडेर दोस्रो स्थानमा रहेको छ ।

यस्तै ३:३० बजे अर्को खेलमा मध्यपुर युथ एसोसिएसनले टुसाल युथ क्लबसँग खेल्नेछ । लिगमा मध्यपुर १ अंक जोडेर पुछारमा रहेको छ भने टुसाल ८ अंक जोडेर सातौं स्थानमा रहेको छ ।

हिजाेकाे खेलमा ब्वाइज युनियन क्लबले फराकिलो जित निकालेको छ । खेलमा ब्वाइज युनियनले झम्सिखेल युथ क्लबलाई ४-० गोल अन्तरले पराजित गरेको हो ।

त्यसैगरि रानीपोखरी कर्नर टिम आरसीटीले नयाँबस्ती युवा क्लबमाथि सहज जित निकालेको छ ।

खेलमा १० खेलाडीमा सिमित आरसीटीले नयाँबस्ती युवा क्लबलाई ४-२ गोल अन्तरले पराजित गरेको हो ।