स्वास्थ्य

के डायबिटीजको रोगीले गुड खान मिल्छ ? यी हुन् ६ भ्रम र यथार्थ

• गाउँ सहर संवाददाता
• ९ फाल्गुण आइतबार, २०७७ | २१:३९:०० मा प्रकाशित

काठमाडाैँ । इन्टरनेशनल डायबिटीज फेडरेशन (आइडिएफ)को तथ्यांकनुसार नेपालको कुल जनसंख्या मध्ये ९.१% मा डायबिटीज छ जसमा पुरुषमा १०.५% र महिला ७.९% छन् । विश्व स्वास्थ्य संगठन भन्छ, विश्वमा ५०० मिलियन भन्दा बढी डायबिटीज रोगी छन् । यसकारण पनि बजारका हल्लाभन्दा यसको यथार्थ बुझ्नु अत्यन्तै जरुरी छ ।

प्राकृतिक स्वास्थ्यविद् डा. आनन्द गैह्रका अनुसार डायबिटीजका बारेमा निम्न भ्रम र यथार्थ बुझ्नु आवश्यक छ ।

भ्रमः मोटो व्यक्तिलाई डायबिटीज हुन्छ ।
सत्यः मोटोपनाबाट टाइप २ डायबिटीजको खतरा बढी हुन्छ । डायबिटीज लुते मानिसलाई पनि हुन सक्छ । पेट क्लियर नहुने व्यक्तिलाई पनि डायबिटीजको खतरा बढी हुन्छ ।

भ्रमः गहुँको सट्टा ज्वार, बाजरा खानु पर्छ ।
सत्यः गहुँ, जाचर र बाजारासँग समान स्टार्च हुन्छ । ग्लुटेन प्रोटीनसँग एलर्जी भएका व्यक्तिहरूले गहुँ खान हुँदैन । ग्लुटेन गहुँमा पाइने एक प्रकारको प्रोटीन हो ।

भ्रमः डायबिटीजको विरामीले गुड खान मिल्छ ।
सत्यः यो गलत हो । गुड-चीनीमा लगभग समान क्यालोरी हुन्छ । दुबैमा सुक्रोज पाइन्छ । यसले सुगर बढाउँछ ।

भ्रमः नाङ्गो खुट्टा हिँडदा फाइदा हुन्छ ।
सत्यः यस्तो बिल्कुलै पनि होइन । धेरै विरामीको पैतालामा सेन्सिटीभिटी कम हुँदा चोटपटक लागेको थाहै हुँदैन । सानो घाउ ठूलो हुन सक्छ । यसकारण खाली खुट्टा हिँड्नबाट बच्नुहोस् ।

भ्रमः एकपटक इन्सुलिन लिँदा बानी पर्छ ।
सत्यः इन्सुलिन व्यक्तिको शरीरमा बन्ने खालको हार्मोन हो । यदि शरीर यसलाई पर्याप्त मात्रामा बनाइरहेको छैन भने बाहिरबाट यसको पूर्ति शरीरको जरुरत हो न कि आदत ।

भ्रमः चीनी खाँदा डायबिटीज हुन्छ ।
सत्यः चीनीमात्र डायबिटीजको मुख्य कारक होइन । तर चिनीयुक्त खानाले मोटोपना बढाउँछ, जसले टाइप टू डायबिटीजको खतरा बढाउँछ ।