गाउँ सहर

मलेसियामा प्रतिमहिना सरदर २३ नेपाली मृत्यु, अझै २२ नेपालीको शव बाँकी

मलेसिया । वैदेशिक रोजगारीमा मलेसिया जाने नेपाली कामदारमध्ये दैनिक झण्डै एकजनाको मृत्यु हुने गरेको छ । आत्महत्या, सडक दुर्घटना, कारखाना दुर्घटना तथा कडा रोगका कारण उनीहरुको मृत्यु हुने गरेको तथ्याङ्कले देखाएको छ । 

मलेसियामा प्रतिमहिना औषतमा २३ नेपाली नेपाली मृत्यु भएको पाइएको छ ।

मलेसियामा प्रति महिना औषतमा २३ जनासम्म नेपालीको मृत्यु भएको मलेसियास्थित नेपाली दूतावासका द्वितीय सचिव प्रतीक कार्कीले बताएका छन् ।

धेरैजसो आत्महत्याका घटना छन् । गत वर्ष मलेसियामा ४६ जना नेपालीले अत्महत्या गरेको कार्कीले बताए ।

गत वर्ष मलेसियामा २ सय ८४ नेपाली श्रमिकको मृत्यु भएको थियो ।

द्वतीय सचिव कार्कीले दिएको जानकारी अनुसार सन् २०१९ मा २ सय ९८ नेपालीको मृत्यु भएकोमा ४९ वटा आत्महत्याका घटना छन् । सन् २०१८ मा पनि ४५ जना नेपालीले आत्महत्या गरेका थिए । सो वर्ष मलेसियामा ३ सय ४५ जनाको मृत्यु भएको थियो ।

मलेसिया अझै २२ नेपालीको शव स्वदेश पठाउन बाँकी रहेको दूतावासले जनाएको छ ।

गाउँ सहर संवाददाता

तपाईँको मत