मानव संशाधन

पाँच लाख ९५ हजार ७५० श्रमिक सीपसहित वैदेशिक रोजगारीमा

• गाउँ सहर संवाददाता
• ११ भदौ मंगलबार, २०८१ | १७:१७:०० मा प्रकाशित

काठमाडौँ । गत आर्थिक वर्ष २०८०/८१ मा ८० प्रतिशत सीपयुक्त श्रमिक वैदेशिक रोजगारीमा गएका छन् ।

वैदेशिक रोजगार विभागको तथ्यांक अनुसार गत आवमा सात लाख ४१ हजार २९७ श्रमिक वैदेशिक रोजगारीमा गएका छन् । वैदेशिक रोजगारीमा गएकामध्ये पाँच लाख ९५ हजार ७५० श्रमिक सीपसहित रोजगारीमा गएको तथ्यांकले देखाएको छ ।

तथ्यांक अनुसार गत आवमा ७३२ उच्च सीपसहितका श्रमिक वैदेशिक रोजगारीमा गएको तथ्यांकले देखाएको छ ।  जसमध्ये १९५ जना महिला र ५३७ जना पुरुष रोजगारीमा गएका छन् । साही अवधिमा दुई हजार ७७२ जना व्यवसायिक श्रमिक वैदेशिक रोजगारीमा गएका छन् । जसमध्ये दुइ हजार ४०७ जना पुरुष छन् भने ३६५ जना महिला श्रमिक छन् ।

गत आवमा ६० हजार १२३ जना अर्ध्वदक्ष श्रमिक वैदेशिक रोजगारीमा गएको तथ्यांकले देखाएको छ ।  जसमध्ये ५३ हजार ४५७ पुरुष छन् भने ६ हजार ६६६ महिला श्रमिक छन् । त्यस्तै, सो अवधिमा पाँच लाख ३२ हजार १२३ जना दक्ष श्रमिक वैदेशिक रोजगारीमा गएको तथ्यांकले देखाएको छ  । जसमध्ये एक  लाख २२ हजार ८५४ पुरुष छन् भने २२ हजार ६९३ महिला रहेका छन् ।

केही समय अघि अर्ध्वदक्ष श्रमिकको लागि मुख्य स्रोत मुलुकको रुपमा चिनिने नेपाल विस्तारै दक्ष श्रमिक पठाउन मुलुकमा रुपमा रुपान्तरण हुँदै गएको तथ्यांकले देखाएको छ ।