महिला लिग फुटबलको दोस्रो चरणको खेल शनिबारदेखि
- गाउँ सहर डेस्क
- २३ माघ शुक्रबार, २०७७ | १६:४०:०० मा प्रकाशित
काठमाडौँ । महिला लिग फुटबलको दोस्रो चरणको खेल शनिबारदेखि सुरु हुने भएको छ । अखिल नेपाल फुटबल संघ (एन्फा) ले बिहीबार दोस्रो चरणको खेल तालिका सार्वजनिक गरेको हो । खेल तालिकाअनुसार शनिबार हुने खेलमा विभागीय टोली त्रिभुवन आर्मी क्लब र चौदण्डीगढी नगरपालिका तथा दोस्रो खेलमा विराटनगर र चन्द्रपुर नगरपालिकाबीच प्रतिस्पर्धा हुने भएको छ ।
लिगमा ६ खेल सकिँदा विभागीय टोली एपीएफ क्लब शीर्ष स्थानमा छ । अपराजित रहेको एपीएफले १८ अंक बनाएको छ । दोस्रो स्थानमा रहेको आर्मीको १३ अंक छ । तेस्रो स्थानमा रहेको विराटनगरको आठ अंक रहेको छ । यसैगरी आठ अंक बनाएको नेपाल पुलिस चौथो, आठ अंक बनाएको वालिङ नगरपालिका पाँचौं, तीन अंक बनाएको चन्द्रपुर छैटौं र अंक विहीन चौदण्डीगढी तालिकाको अन्तिममा समेटिएको छ । सात टोली सहभागी लिग फागुन ७ गतेसम्म चल्ने जनाइएको छ ।
लिगको विजेताले १५ लाख, उपविजेताले ८ लाख, तेस्रोले ५ लाख र चौथो हुने टोलीले ३ लाख रुपैयाँ प्राप्त गर्नेछन् । त्यसैगरी सर्वोत्कृष्ट खेलाडीलाई स्कुटर र व्यक्तिगत विधाका विजेतालाई जनही ५० हजार रुपैयाँ प्रदान गरिने आयोजक एन्फाले बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस