चन्द्रागिरीको आईपीओ डिम्याट खातामा जम्मा
- गाउँ सहर डेस्क
- २२ माघ बिहीबार, २०७७ | ११:५९:०० मा प्रकाशित
काठमाडौँ । चन्द्रागिरी हिल्सको साधारण शेयर (आईपीओ) लगानीकर्ताको डिम्याट खातामा जम्मा भएको छ । सिडिएस एण्ड क्लियरिङ्ग लिमिटेडले कम्पनीको आईपीओ बुधबार गोलाप्रथाबाट शेयर प्राप्त गरेका शेयरधनीको खातामा जम्मा गरेको हो ।
कम्पनीको साधारण शेयर सिजिएज (CGH) संकेतमा जम्मा भएको छ । यसअनुसार कम्पनीको शेयर कारोबारका लागि यहि कारोबार संकेत प्रयोगमा आउनेछ ।
कम्पनीको आईपीओ शेयरधनीको डिम्याट खातामा जम्मा भएपनि नेप्सेमा सूचीकरण सम्झौता पछि दोस्रो कारोबारपछि मात्र धितोपत्रको दोस्रो बजारमा कारोबारमा आउनेछ ।
कम्पनीले आगामी साताको आइतबारदेखि नै धितोपत्रको दोस्रो बजारमा कारोबार गराउने जनाएको छ । बिहीबार नेप्सेमा सूचीकरण गराउने कम्पनीको तयारी रहेपनि नेकपाको आम हड्तालका कारण शुक्रबार मात्र सम्झौता हुनेछ ।
चन्द्रागिरी हिल्सले सर्वसाधारणमा पुस २४ गते २८ गतेसम्म १५ लाख ३४ हजार ९१ कित्ता शेयर जारी गरेकोमा कर्मचारी र सामुहिक लगानी कोषलाई छुट्टाएर १३ लाख ९६ हजार २२ कित्ता शेयरका लागि सर्वसाधारणबाट आवेदन माग गरेको थियो ।
माघ ९ गते शुक्रबार बाँडफाँड गरिएको उक्त शेयर १ लाख ३९ हजार ६०० जनाले गोलाप्रथाबाट १० कित्ताका दरले पाएका छन् भने २ जनाले ११ कित्ता पाएका छन् ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस