गाउँ सहर

शेर्पा समुदायकाे क्षमता अभिवृद्धिमा क्रियाशील रहने नेपाल शेर्पा संघ बागमति प्रदेश समितिको निर्णय

• गाउँ सहर संवाददाता
• १७ माघ शनिबार, २०७७ | १८:४८:०० मा प्रकाशित

काठमाडाैं । नेपाल शेर्पा संघ बागमति प्रदेश समितिले शेर्पा समुदायकाे क्षमता अभिवृद्धि, सीपमुलक क्षेत्र प्रवर्धन, श्रोत उत्पादन र परिचालन लगायतको क्षेत्रमा थप सक्रिय भएर काम गर्ने जनाएकाे छ । 

शनिवार नेपाल शेर्पा संघ बागमति प्रदेश समितिकाे वैठकले उक्त विषयहरूमा छलफल तथा कार्यान्वयनकाे समिक्षा गरिएकाे समितिका सचिव दावा सङ्वु शेर्पाले बताए ।

नेपाल शेर्पा संघ केन्द्रिय अध्यक्ष गोल्जे लामा शेर्पाको प्रमुख अतिथ्य तथा नेपाल शेर्पा संघ बागमति प्रदेश समितीका अध्यक्ष आङछिरीङ शेर्पाको अध्यक्षतामा बसेकाे बैठकमा जिल्ला स्तरीय प्रतिनिधीहरु, प्रदेश स्तरीय कार्यसमिती, सल्लाहकार समिती लगायतको उपस्थितीमा जातीय,सामाजिक,धार्मिक, सांस्कृतिक प्रवर्धन अन्तर्गत वर्तमान ल्होसार पर्व, शेर्पा जनगणना, मातहतका कमिटी सकृयता लगायत अन्य प्रवर्धनात्मकमुलक क्रियाकलापहरु समेतमा विशेष छलफल भएकाे थियाे । 

प्रदेश समिती सचिव दावा सङ्वु शेर्पाले सञ्चालन गरेकाे कार्यक्रममा लामो समय लकडाउन कोभिड -१९ को प्रभावका कारण एक वर्षपछि विशेष योजना बिगत‌को समिक्षात्मक विश्लेषणसहित वर्तमान योजनामुखी निर्णायक बैठक बसकाे हाे ।

अब क्षमता अभिवृद्धि, सीपमुलक, क्षेत्र प्रवर्धन, श्रोत उत्पादन र परिचालन लगायतको क्षेत्रमा संघ लागिपर्ने समेत केन्द्रिय अध्यक्ष गेल्जे लामा शेर्पाले बताए ।