सशस्त्र प्रहरीमा डिआईजी बढुवाको प्रक्रिया शुरु
- गाउँ सहर डेस्क
- १२ पौष आइतबार, २०७७ | १२:४५:०० मा प्रकाशित
काठमाडौँ । सशस्त्र प्रहरी बलमा डिआइजीका सात रिक्त पदमा बढुवाको प्रक्रिया शुरु भएको छ । बढुवामा एक दर्जन बढि एसएसपि प्रतिस्पर्धामा छन् । यसपटक डिआइजीमा बढुवा हुने केही अधिकारी पछि नेतृत्वमा समेत पुग्न सक्ने भएकाले पनि प्रतिस्पर्धा तिव्र छ ।
लेखा स्टोरमा आगलागी हुँदा छानबिनमा तानिएका अभिकुमार खत्री पहिलो नम्बरमा बढुवा हुने दाउमा छन् । हाल ६ नम्बर महेश्वरी बाहिनीमा निमित्त बाहिनीपति रहेका उनि संगठनको हित भन्दा बढि कमाउ धन्दामा ब्यस्त रहेको मातहत गणका अधिकृतहरु बताउँछन् ।
बढुवा हुने लाइनमा रहेका एसएसपि कृष्णराज पाठक कमाण्डमा कमजोर अधिकृत मानिन्छन् । एसएपी गणेश ठाडा मगरले त पटक पटक कारबाही भोगिसकेका छन् । कहिले पुर्व राजा ज्ञानेन्द्र त कहिले अमेरिकी रास्ट्रपति डोनाल्ड ट्रम्प माथि सामाजिक संजालमा बिबादास्पद पोस्ट गरेकोमा कारबाहीमा परेका थिए ।
बढुवाको प्रतिस्पर्धामा खत्री, ठाडामगर, पाठकसहित शम्भु सुवेदी, दुर्गाप्रसाद भट्टराई, कमल गिरी, कुलबहादुर नेम्वाङ, कालीदास धौबजी, कुमार न्यौपाने, विदुर खड्का, भेषबहादुर शाह, प्रदीपकुमार पाल, लक्ष्मणबहादुर सिंह रहेका छन् ।
बढुवा सिफारिस समितिले गत साता नै एकसाताभित्र बढुवाका आकांक्षीहरुलाई शैक्षिक प्रमाणपत्र लगायतको कागजपत्र बुझाउन सूचना प्रकाशन गरिसकेको छ ।
गृहसचिव महेश्वर न्यौपाने नेतृत्वको बढुवा सिफारिस समितिले बढुवाको सिफारिस गर्नेछ । न्यौपानेलाई कोरोना संक्रमण भएकाले बढुवा समिति बैठक बस्न सकेको थिएन । न्यौपाने कोरोनामुक्त भइसकेको जनाइएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस