समाज

राष्ट्रिय खेलकुद परिषद्का खरिदार घुससहित पक्राउ

• गाउँ सहर डेस्क
• ७ पौष मंगलबार, २०७७ | १३:३९:०० मा प्रकाशित

काठमाडौं । राष्ट्रिय खेलकुद परिषद्का खरिदार घुससहित पक्राउ परेका छन् । राष्ट्रिय खेलकुद परिषद् अन्तर्गत खेलकुद विकास समिति सानोगौचरणमा कार्यरत खरिदारलाई अख्तियारले नियन्त्रणमा लिएको हो । खरिदार तिलकप्रसाद घिमिरेलाई १५ हजार घुस रकमसहित पक्राउ गरिएको अख्तियार दुरुपयोग अनुसन्धान आयोगले जनाएको छ ।

घिमिरेले क्लवको प्रमाणपत्र नवीकरण गर्नका लागी सेवाग्राहीसँग घुस मागेको सुराकीको आधारमा आयोगको टोलीले उनलाई घुस लिइसकेको अवस्थामा कार्यालय परिसरबाट पक्राउ गरिएको बताएको छ ।