अर्थतन्त्र

११ प्रतिशत लाभांश दिने लक्ष्मी बैंकको घोषणा, बोनस र नगद कति कति ?

• गाउँ सहर डेस्क
• ३० मङ्सिर मंगलबार, २०७७ | १२:५०:०० मा प्रकाशित

काठमाडौं । लक्ष्मी बैंकले लाभांश दिने घोषणा गरेको छ । बैंक सञ्चालक समितिले आर्थिक वर्ष ०७६/७७ को सञ्चित मुनाफाबाट सेयरधनीलाई वितरण गर्ने लाभांश प्रस्ताव गरेको हो ।

बैंकले सेयरधनीलाई हाल कायम चुक्ता पुँजीको कुल ११.५ प्रतिशत लाभांश वितरण गर्ने प्रस्ताव गरेको हो । जसमध्ये ९ प्रतिशत बोनस सेयर र बोनस सेयरमा लाग्‍ने कर प्रयोजनका लागि समेत गरी २.५ प्रतिशत नगद लाभांश वितरण गर्ने प्रस्ताव गरेको छ ।

नेपाल राष्ट्र बैंकको स्वीकृति तथा आगामी वार्षिक साधारण सभाबाट पारित गरेपछि सेयरधनीले सो मात्रामा लाभांश पाउनेछन् ।