औषधी तस्करी गर्ने पक्राउ
- गाउँ सहर डेस्क
- १४ मङ्सिर आइतबार, २०७७ | १३:०२:०० मा प्रकाशित
विराटनगर । विश्व महामारीको रुपमा फैलदै आएको कोरोना भाइरस संक्रमितको उपचारमा प्रयोग गर्दै आएको औषधी ‘रेमडिसिभिर’ को विराटनगर नाकाबाट तस्करी हुने गरेको तथ्य खुलेको छ ।
भ्याक्सीनको रुपमा प्रयोग हुने उक्त औषधी भारत हुँदै मोरङको नाकाबाट विराटनगरतर्फ लुकाई छिपाई तस्करी हुने गरेको पाइएको छ । प्रहरीले औषधी तस्करी गर्ने गिरोहलाई पक्राउ गरेको छ । प्रहरीले विशेष सुचनाका आधारमा रेम्डेसिभिर सहित अन्य औषधी बरामद गरेको हो । पक्राउ पर्नेमा विराटनगर–१३ स्थित सैनक टोलका ३६ वर्षीय नरेश यादव रहेका छन् ।
भारतीय बजारमा प्रतिभाइल भारू २ हजार ८ सयदेखि ४ हजार ५ सय रुपैयाँसम्म पाइने रेम्डेसिभिर नेपालका अस्पतालहरुमा १५ हजारदेखि २५ हजार रुपैयाँसम्म बिक्री हुने गरेको पाइएकाे छ । उक्त औषधी भाइरस संक्रमित भएका मध्ये पनि आइसियु र भेन्टिलेटरका विरामीलाइ प्रयोग गरिन्छ ।
जिल्ला प्रहरी कार्यालय मोरङको प्रहरी टोलीले यादवको घरबाट अन्य औषधिसँगै १० भाइल रेमडिसिभिर पनि बरामद गरेको छ ।
प्रहरीले नेपालमा प्रतिबन्धित औषधीहरु समेत बरामद गरेको छ । औषधी व्यवस्था विभागमा दर्ता नभएका ‘डाकसिसाइवर्गलिन र मिथाइल प्रिडनीसोलोन इन्जेकेसन’ सहित चार कार्टुन औषधि बरामद भएको प्रहरीले जनाएको छ । रेमडेसिभिरको तस्करीमा विराटनगरका केही ठूला औषधि व्यवसायी, निजी अस्पताल र स्वास्थ्य क्षेत्रका व्यक्तिहरु नै रहेको प्रहरीको भनाइ छ । ट्याक्टरको मुनी औषधि र माथिबाट पराल राखेर चोरबाटो हुँदै तस्करी गरेर औषधि यादवको घरसम्म लगेको प्रहरी अनुसन्धानबाट खुलेको हो ।
प्रहरीले तस्करीमा संलग्न अन्य व्यक्तिहरुको खोजी कार्य गरिरहेको बताएको छ ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस