अर्थतन्त्र

हेर्नुहाेस् विश्वका अर्बपतिहरू- २९३३ जनाको नाम सार्वजनिक, विनोद चौधरीको सम्पत्ति २ बिलियन डलर

• गाउँ सहर संवाददाता
• २० चैत बुधबार, २०८१ | २०:२६:०० मा प्रकाशित

काठमाडौँ । विश्वप्रसिद्ध पत्रिका फोब्सले सन् २०२५ को लागि विश्वका अर्बपतिको वार्षिक सूची सार्वजनिक गरेको छ ।

उसले बुधबार सार्वजनिक गरेको सूचीमा एक अर्ब डलर भन्दा धेरै सम्पत्ति भएका २९३३ जनाको नाम सार्वजनिक गरिएको हो ।

उक्त सूचीको सबैभन्दा माथिल्लो स्थानमा अमेरिकी अर्बपति व्यापारी एलन मस्क रहेका छन् । अमेरिकी सरकारी प्रभावकारिता विभाग (डज) का प्रमुख समेत रहेका उनी ३०० अर्ब डलरसहित पहिलो नम्बरमा रहेका हुन् ।

त्यस्तै, फेसबुकको आधिकारिक कम्पनी मेटाका संस्थापक मार्क जुकरबर्ग र अमेजनका संस्थापक जेफ बेजोस क्रमशः २१६ र २१५ अर्ब डलरसहित दोस्रो र तेस्रो स्थानमा छन् ।

अन्य १२ जनाको सम्पत्ति १०० बिलियन डलर भन्दा धेरै छ । वनार्ड अनर्डको परिवार, वारेन बफेट, लारी पेज, बर्नार्ड अरनल्ट र परिवार, वारेन बफेट, ल्यारी पेज, सर्गेई ब्रिन, अमान्सियो ओर्टेग, स्टीव बाल्मर, रोब वाल्टन र परिवार, जिम वाल्टन र परिवार, बिल गेट्स, माइकल ब्लूमबर्ग र एलेस वाल्टन रहेका छन् ।

नेपालका अर्बपतिमा अहिले पनि विनोद चौधरीको एकमात्र नाम रहेको छ । उनी २ बिलियन डलर सम्पत्तिसहित १७६३ औं स्थानमा छन् । गत वर्ष १ अर्ब ८० करोड अमेरिकी डलर सम्पत्ति रहेको उनको यो वर्ष २० करोड डलरले सम्पत्ति बढेको फोब्सले जनाएको छ ।

यो वर्ष चीनबाट टिकटकका संस्थापक झाङ यिमिङ ६५ दशमलब ५ बिलियन डलरसहित पहिलो नम्बरमा छन् । त्यस्तै, भारतबाट मुकेश अम्बानी ९२ दशमलब ५ डलरसहित पहिलो स्थानमा रहेका छन् ।