अर्थतन्त्र

विश्व बैंककाे प्रक्षेपण : चालु आर्थिक वर्षमा नेपालको आर्थिक वृद्धिदर ४.५ प्रतिशत रहने

• गाउँ सहर संवाददाता
• २१ चैत बिहीबार, २०८१ | १४:३४:०० मा प्रकाशित

काठमाडौँ । विश्व बैंकले चालु आर्थिक वर्षमा नेपालको आर्थिक वृद्धिदर ४.५ प्रतिशत रहने प्रक्षेपण गरेको छ । 

विश्व बैंकले बिहीबार प्रतिवेदन सार्वजनिक गर्दै  यो वर्ष नेपालको आर्थिक वृद्धिदर ४.५ प्रतिशत हुने प्रक्षेपण गरेको हो । विश्व बैंकले गत ११ र १२ असोजमा गएको बाढीपहिरोले अर्थतन्त्रमा असर गरे पनि पुन  उत्थानका लागि सरकारले गरेका कामले आर्थिक वृद्धिदर हासिल गर्न सहयोग पुग्ने बताएको छ ।

सरकारले चालु आर्थिक वर्षमा ६ प्रतिशतले नेपालको कुल गार्हस्थ्य उत्पादन जीडीपी बढ्ने अनुमान गरेको छ । विश्व बैंकले आगामी दुई आर्थिक वर्षमा नेपालको आर्थिक वृद्धिदर ५.४ प्रतिशत रहने पनि प्रक्षेपण गरेको छ । 

यसअघि गत आर्थिक वर्ष २०८०/८१ मा नेपालको अर्थतन्त्र ३.९ प्रतिशतले वृद्धि भएको थियो ।