प्रभु बैंकको एकैदिन चार शाखा सञ्चालन
- गाउँ सहर संवाददाता
- १५ श्रावण मंगलबार, २०८१ | ०८:००:०० मा प्रकाशित
काठमाडाैं । संघीय संरचना बमोजिम गठित विभिन्न स्थानीय तहमा रहेका सेवाग्राहीलाई सरल र सहज रुपमा बैंकिङ्ग सेवा पुर्याउने उद्देश्यका साथ प्रभु बैंक लिमिटेडले बाग्लुङको ढोरपाटन नगरपालिका वडा नं.७, बोवाङ, निसीखोला गाउँपालिका वडा नं. ५, निसी, वडिगाड गाउँपालिका वडा नं २, खरबाङ र वडिगाड गाउँपालिका वडा नं. ७, भिमगिठे गरी ४ वटा शाखा कार्यालय आजदेखि सञ्चालनमा ल्याएको छ।
उक्त शाखाहरुको उद्घाटन बैंकका संस्थापक अध्यक्ष देवीप्रकाश भट्टचनले गरेका हुन्। कार्यक्रममा सम्बन्धित जिल्ला स्थित विभिन्न सरकारी कार्यालयका प्रतिनिधिहरु, विभिन्न राजनितिकदलका प्रतिनिधीहरु, उद्योग वाणिज्य संघका पदाधिकारीहरु, विभिन्न संघ संस्थाका प्रतिनिधिहरु, स्थानीय व्यापारी, बुद्धिजिवी लगायत ठूलो संख्यामा सर्वसाधारणको उपस्थिति रहेको थियो।
आजदेखि सञ्चालनमा आएका बैंकका बोवाङ शाखा, निसी शाखा, खरबाङ शाखा, र भिमगिठे शाखा कार्यालयहरुबाट त्यहाँका स्थानीय सेवाग्राही, सर्वसाधारणहरु, उद्यमी, व्यवसायी तथा संघ संस्थाहरुले बैंकको गुणस्तरीय सेवा उपभोग गरी लाभान्वित हुनेछन् र तीन वटा गाउँपालिकको मात्र नभई देशको समग्र आर्थिक विकासमा टेवा पुग्नेछ भन्ने बैंकले विश्वास लिएको छ।
त्यसैगरी, ग्राहकहरुको रोजाईको अग्रणी बैंकको रुपमा रहेको प्रभु बैंकले हालसालै “बैंक अफ द इयर २०२३” को उपाधिबाट सम्मानित भएको छ। नेपालभर ३१३ शाखा कार्यालयहरु, २८६ एटीएम साथै ६९ एक्सटेन्सन काउन्टरमार्फत करिब ३१ लाखभन्दा बढी ग्राहकहरुलाई बैंकिङ एवं वित्तीय सेवाप्रवाहगरिरहेको प्रभु बैंकले अत्याधुनिकप्रविधिमार्फत गुणस्तरीय सेवाप्रवाहगर्दै प्रतिस्पर्धी रुपमा अगाडि बढिरहेको छ। साथै, छोटो समयको अन्तरालमा नै फिनाकल ईन्फोसिस ईनोभेसन गोल्ड-२०२४ अवार्डबाट समेत सम्मानित भएको छ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सांग्रिला डेभलपमेन्ट बैंकले मनायाे आफ्नो २०औं वार्षिकोत्सव
- बुद्धभूमि नगरपालिकामा बसको ठक्करबाट दुई जनाको मृत्यु
- राप्रपाले कीर्तिपुर नगरपालिकाको मेयरमा ध्रुव महर्जनलाई उम्मेदवार बनाउने
- नेप्से परिसूचक ४६ अंकले बढ्यो
- जन्मदिनमा सिटिजन लाइफकाे बीमा पोलिसी उपहार
- धनतेरसमा के किन्दै हुनुहुन्छ ?
- सल्यानमा मिनी ट्रक दुर्घटना हुँदा मृत्यु हुनेकाे संख्या चार पुग्याे
- काठमाडौं महानगरले ताेक्याे फूल बेच्न यी ४६ ठाउँ
- यमपञ्चक सुरू, भाइटीका कता फर्किएर लगाउने ?
- महाेत्तरीमा छठ पर्वका लागि बाँसका भाँडाकुँडा बनाउन भ्याइनभ्याइ
प्रतिकृया दिनुहोस