विश्वकप खेल्न वेस्ट इन्डिज पुगेपछि सन्दीप लामिछानेले लेखे : सबैलाई धन्यवाद
- गाउँ सहर संवाददाता
- २८ जेठ सोमबार, २०८१ | ०८:३७:०० मा प्रकाशित
![](https://gaunsahar.com/uploads/news/images/275185330sandeep-west.jpeg)
काठमाडौं । आईसीसी टी-२० विश्वकप क्रिकेट खेल्न सन्दीप लामिछाने वेस्ट इन्डिज पुगेका छन् ।
विश्वकपका दुई खेल खेल्न लामिछाने वेस्ट इन्डिज पुगेका हुन् । वेस्ट इन्डिजमा हुने अन्तिम दुई खेलका लागि राष्ट्रिय टोलीमा आबद्ध रहेकाले आफू बताएको सन्दीले बताएका छन् ।
विश्वकपमा सहभागी गराउन सहयोग गर्ने सबैलाई धन्यवाद दिँदै उनले क्यान पदाधिकारीहरूको नाम जोडेर फैलाइएका प्रपोगाण्डामा विश्वास नगर्न पनि उनले आग्रह गरेका छन् ।
नेपाल क्रिकेट संघ (क्यान)का सचिव पारस खड्काले सोमबार बिहान विज्ञप्ति सार्वजनिक गर्दै सन्दीपले वेस्ट इन्डिजमा हुने खेल खेल्ने जानकारी गराएपछि मात्रै उनले आफू वेस्ट इन्डिज पुगिसकेको फेसबुकबाट सार्वजनिक गरेका थिए ।
'क्यानका अध्यक्ष चतुरबहादुर चन्द सर, सचिव तथा मेरा प्यारा ब्रदर पारस खड्का दाई, मेरा वकिल सरोज घिमिरे दाई, विनोद दास दाई र प्रबल दाई र प्रिय बालकृष्ण दाईलाई हार्दिक धन्यवाद दिन चाहन्छु' सन्दीपले लेखेका छन् 'आईसीसी र सबै सम्बन्धित आधिकारिक नेटवर्कहरूसँगको समन्वयले मलाई यो टी-२० विश्वकपमा भाग लिन सम्भव छ ।'
'जारी आईसीसी पुरुष टी - २० विश्वकप २०२४ का लागि नेपाली खेलाडी सन्दीप लामिछाने वेस्ट इन्डिज प्रस्थान भई नेपाली राष्ट्रिय क्रिकेट टोलीमा समावेश हुने जानकारी गराउन चाहन्छौं' क्यानका सचिव खड्काले जारी गरेको विज्ञप्तिमा भनिएको छ 'सम्मानित उच्च अदालत पाटनले गत मे १५ मा दिएको फैसलासँगै नेपाल क्रिकेट संघले पूर्व घोषित टिमबाट युवा बलर प्रतिश जिसीलाई ट्राभलिङ रिजर्भमा राख्ने निर्णय गर्दै सन्दीप लामिछानेलाई विश्वकप खेल्ने आधिकारिक १५ जना टोलीको अन्तिम नामावली आईसीसी सामु पेश गरेको थियो ।'
'सन्दीप लामिछाने गत मे १६ तारिखदेखि नै नेपालको अफिसियल स्क्वाडमा रहेका तर उनको अमेरिकी भिसा प्राप्त नभएता पनि आईसीसीसँग समन्वय गरी वेस्ट इन्डिजमा हुने दक्षिण अफ्रिका तथा बंगलादेशविरुद्ध नेपालका दुई खेलमा उनको उपस्थिति रहने जानकारी गराउन चाहन्छौं' विज्ञप्तिमा भनिएको छ ।'
सन्दीपले वेस्ट इन्डिजको सेन्ट भिसेन्टमा दक्षिण अफ्रिकासँग जुन १४ र बंगलादेशसँग जुन १६ मा खेल्नेछन् ।
![](https://gaunsahar.com/uploads/profile/1597861779gaun_sambaddata.jpeg )
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- खड्का 'उत्कृष्ट निजामती सेवा' बाट पुरस्कृत
- दुर्गा प्रसाईंको बीएन्डसीलाई एमबीबीएस पढाउन औपचारिक स्वीकृति
- के भए मन्त्रिपरिषद् बैठकका पछिल्ला निर्णयहरू ?
- राष्ट्रिय वाणिज्य बैंकले खाद्य व्यवस्था तथा व्यापार कम्पनीका कर्मचारीलाई सहुलियत कर्जा दिने
- प्रतिबन्ध हटेपछि चल्न थाल्यो टिकटक, तपाइँकाे चल्याे ?
- नेपाल लाइफको मोटिभेसनल तालिममा 'नेपाल लाइफ तारा सम्मान' कार्यक्रम
- तीजका दिन सुनकाे मूल्य कति ?
- राप्रपा अध्यक्ष राजेन्द्र लिङ्देनको कार्यशैलीप्रति पाण्डेले जनाए असन्तुष्टी
- आज हरितालिका तिज पर्व मनाइँदै
- नयाँ खाता खोल्दा एकसाथ पाँच वटा फाइदा पाइने बैंक 'ग्लोबल आइएमई'
प्रतिकृया दिनुहोस