वातावरण

देशभर आंशिक देखि सामान्य बदली, केही स्थानमा वर्षा

• गाउँ सहर संवाददाता
• २ असोज मंगलबार, २०८० | ०६:२५:०० मा प्रकाशित

काठमाडाैँ । आज २०८० असोज ०२ गते (मंगलबार), जल तथा माैसम विभागका अनुसार दिउँसो  देशभर आंशिक देखि सामान्य बदली रहनेछ । कोशी, बागमती र लुम्बिनी  प्रदेशका  केही स्थानहरुमा र बाँकी प्रदेशका थोरै स्थानहरुमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।

राति देशका पहाडी भू-भागमा आंशिक देखि सामान्य बदली रही बाँकी भू-भागमा आंशिक बदली देखि मौसम सामान्यतया सफा रहनेछ । कोशी, बागमती र गण्डकी प्रदेशका पहाडी भू-भागका केही स्थानहरुमा र   देशका  बाँकी भू-भागको एक-दुई स्थानमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ ।