गाउँ सहर

ललिता निवास प्रकरणमाथि सर्वाेच्चमा आज पनि सुनुवाइ हुने

• गाउँ सहर संवाददाता
• ४ श्रावण बिहीबार, २०८० | ०९:०५:०० मा प्रकाशित

काठमाडौं । ललिता निवास प्रकरणमा बन्दी प्रत्यक्षीकरणको रिट निवेदनमाथि आज पनि सुनुवाइ हुने भएको छ । बुधबार बहस हुँदाहुँदै समय सकिएपछि सुनुवाइ आजका लागि सरेको थियो ।

बुधबार सर्वोच्च अदालतका न्यायाधीशद्वय प्रकाशकुमार ढुङ्गाना र नहकुल सुवेदीको इजलासमा बहस भएको हो ।

सो प्रकरणमा कीर्ते गरेको अभियोगमा पक्राउ परेका सचिव कृष्णबहादुर राउत, निर्वाचन आयोगका पूर्वआयुक्त सुधिरकुमार शाह, व्यवसायी मीनबहादुर गुरुङ र मालपोत कार्यालयका पूर्वकर्मचारी धर्मप्रसाद गौतममाथि अनुसन्धान सुरू गरेपछि सर्वोच्च अदालतमा बन्दीको रिट निवेदन दायर गरिएको थियो ।