राजनीति

एमाले बैठकको दोस्रो दिन आज पाँच प्रदेशकाे बाँकी रिपोर्ट प्रस्तुत हुनेे

• गाउँ सहर संवाददाता
• २९ बैशाख शुक्रबार, २०८० | १२:१०:०० मा प्रकाशित

काठमाडौं । नेकपा एमाले केन्द्रीय कमिटीको कार्यालय च्यासलमा दोस्रो दिनको बैठक सुरु भएको छ । नेकपा एमाले केन्द्रीय कमिटीको पाँचौँ बैठक अन्तर्गतको दोस्रो दिन शुक्रवारको बैठकमा मिसन ग्रासरुट अभियान अन्तर्गत पाँचवटा प्रदेशका बाँकी रिपोर्ट प्रस्तुत हुनेछन् ।

जसमध्ये गण्डकीबाट सचिव पद्मा अर्याल, बागमतीबाट सचिव गोकर्ण विष्ट, सम्पर्क समन्वय कमिटीको प्रतिवेदन स्थायी कमिटी सदस्य तथा इन्चार्ज लालबाबु पण्डित र उपत्यका विशेष प्रदेश कमिटीको प्रतिवेदन पोलिटब्युरो सदस्य तथा इन्चार्ज सुजिता शाक्यले रिपोर्ट प्रस्तुत गर्दैछन् । ‘रिपोर्टहरूमाथि ८ समूहमा छलफल हुने र बैठकसमक्ष प्रदेशका तर्फबाट कार्य योजना पेस हुने र त्यसलाई एकीकृत रूप दिएर वार्षिक कार्य योजना बनाउन शनिवार बिहान स्थायी कमिटी बैठक बस्नेछ । त्यसपछि बस्ने केन्द्रीय कमिटी बैठकमा कार्य योजना प्रस्तुत हुनेछ ।’ 

रिपोर्टमाथि समूह विभाजन गरी शुक्रवारै छलफल हुने एमालेले जनाएको छ ।