गाउँ सहर

लायन्स क्लब ३२५ 'ई' को डिष्ट्रिक्ट क्याबिनेट सेक्रेटरीमा पाेखरेल, ट्रेजररमा र चाैलागाईँ

• गाउँ सहर संवाददाता
• २६ बैशाख शुक्रबार, २०८२ | १९:१७:०० मा प्रकाशित

काठमाडाैं । लायन्स इन्टरनेसनल डिष्ट्रिक्ट ३२५ 'ई' को डिष्ट्रिक्ट क्याबिनेट सेक्रेटरीमा लायन भुवन पाेखरेल र क्याबिनेट ट्रेजररमा लायन गाेविन्द प्रसाद चाैलागाईँ मनाेनित भएका छन् । 

आगामी वर्ष सन् २०२५ /२६ का लागि डिस्ट्रिक्ट गभर्नरमा निर्वाचित हालका प्रथम भाइस डिस्ट्रिक्ट गभर्नर हिरा प्रसाद गुप्ताले डिष्ट्रिक्ट क्याबिनेट सेक्रेटरीमा पाेखरेल र क्याबिनेट ट्रेजररमा चाैलागाईँलाई मनाेनित गरेका हुन् ।  

काठमाडाैंमा बैशाख १८ गते सम्पन्न तेस्रो महाधिवेशनले लायन वर्ष सन् २०२५ /२६ काे लागि गभर्नरमा हालका फस्ट भाइस डिस्ट्रिक्ट गभर्नर हिरा प्रसाद गुप्ता, त्यसैगरी हालका सेकेण्ड भाइस डिस्ट्रिक्ट गभर्नर जाे आउँदो वर्षका लागि फस्ट भाइस डिस्ट्रिक्ट गभर्नर लायन श्याम कुमार यादव र अहिलेका चिफ एडमिनिस्ट्रेटर आउँदो वर्षका लागि सेकेण्ड भाइस डिस्ट्रिक्ट गभर्नर लायन बिमल कुमार श्रेष्ठ निर्वाचित भइसकेका छन् । 

डिष्ट्रिक्ट क्याबिनेट सेक्रेटरीमा मनाेनित पाेखरेल हाल डिष्ट्रिक्ट चिफ काउन्सिलर छन् भने क्याबिनेट ट्रेजररमा मनाेनित चाैलागाईँ हाल एरिया को-अर्डिनेटर छन् ।

डिस्ट्रिक्टका अन्य सम्पूर्ण पदाधिकारीहरू पनि चाँडै घोषणा गरिने आउँदो वर्षका गभर्नर तथा हालका फस्ट भाइस डिस्ट्रिक्ट गभर्नर गुप्ताले जानकारी दिए ।