राजनीति

सम्माननीय प्रधानमन्त्रीले सुशासन कायम गर्छु भन्नु भएछ, मेरो एउटा प्रश्न छ: डा. लाेहनी

• गाउँ सहर संवाददाता
• १९ बैशाख मंगलबार, २०८० | १५:२१:०० मा प्रकाशित

काठमाडाैँ । राप्रपा पूर्व अध्यक्ष तथा अर्थमन्त्री डा. प्रकाशचन्द्र लाेहनीले प्रधानमन्त्रीले सुशासन कायम गर्छु भन्ने सन्दर्भमा एउटा प्रश्न गरेका छन् । उनले सामाजिक संजालमार्फत साे कुरा बताएका हुन् ।

उनले भनेका छन्- सम्माननीय प्रधानमन्त्रीले सुशासन कायम गर्छु भन्नु भएछ, मेरो एउटा प्रश्न छ: अर्थ मन्त्रालयमा तपाईंको पार्टीका अर्थमन्त्री हुँदा बाहिरको मान्छेलाई अर्थ मन्त्रालय प्रवेश गराएर करको दर हेरफेर गरेको गम्भीर अपराधबारे के तपाईं जाँचबुझ गर्न तयार हुनुहुन्छ ? आठ प्रतिशतको आर्थिक वृद्धिको सपना देखाएर विकासको नाममा भ्रष्टाचार र बढी भन्दा बढी कुत् खान पल्केको वर्तमान सत्तामा रहेका नव-सामन्तवादीको झुण्डले सुशासनको सपना देखाउनु "आकाश को फल आँखा तरि मर" भने जस्तो मात्र हो ।