राजनीति

तनहुँ–१ : १७ वडाको मतगणना सकियो, कसको कति मत ?

• गाउँ सहर संवाददाता
• ११ बैशाख सोमबार, २०८० | १२:१४:०० मा प्रकाशित

तनहुँ । तनहुँ क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार डा स्वर्णिम वाग्लेले २३हजार १मत गणना गर्दा दोब्बर बढी मतले अग्रता लिएका छन् । पछिल्लो मतपरिणाम अनुसार वाग्लेले ११ हजार ६ सय ७७ मत प्राप्त गरे ।

वाग्लेलाई पछ्याइरहनु भएका नेपाली कांग्रेसका उम्मेदवार गोविन्द भट्टराईले ६हजार ७८७ मत प्राप्त गरेका छन् । भट्टराईलाई सत्ता गठबन्धनका दलहरुको समेत समर्थन रहेको छ ।

त्यसैगरी एमालेका उम्मेदवार सर्वेन्द्र खनाल ३ हजार८०२ मत पाउँदै तेस्रो स्थानमा रहेका छन् । कुल ४२ वडा रेहको यस क्षेत्रमा अहिलेसम्म १७वडाको मत गणना सकिएको आयोगले जनाएको छ ।

निर्वाचन कार्यालय अनुसार तनहुँ-१ मा १ लाख २३ हजार ३०५ मतदाता रहेकोमा आइतबार भएको उपनिर्वाचनमा ६३ हजार ७५७ मत खसेको थियो ।

गएरातिदेखि सुरु भएको तनहुँको मतगणना जिल्ला समन्वय समितिको कार्यालय दमौलीमा भइरहेको छ ।