बेथानचोक गाउँपालिकामा निर्माण हुने सुरुङमार्गको अध्ययनका लागि काठमाडाैं विश्वविद्यालयसँग सम्झौता
- गाउँ सहर संवाददाता
- १८ फाल्गुण बिहीबार, २०७९ | ०९:५९:०० मा प्रकाशित
काठमाडाैं । काभ्रेको ढुङ्खर्क–च्याम्राबेंसी सुरुङमार्गको प्राविधिक अध्ययनको जिम्मा बेथानचोक गाउँपालिकाले काठमाडाैं विश्वविद्यालयलाई दिएको छ ।
काठमाण्डौ विश्वविद्यालय र गाउँपालिकाबीच तीनबुँदे सम्झौतापत्रमा हस्ताक्षर भएको छ । सुरुङमार्गले काभ्रेको बेथानचोक गाउँपालिका–१ र ४ वडा जोड्नेछ ।
सम्झौताअनुसार काठमाडाैं विश्वविद्यालयले सुरुङमार्गस्थलको वातावरणीय प्रभाव, भौगर्भिक अवस्था, टनेलको सम्भावित डिजाइन र अनुमानित लगानीसमेतको अध्ययन गरी गाउँपालिकालाई प्रतिवेदन पेस गर्नेछ ।
सम्झौतापत्रमा विश्वविद्यालयको तर्फबाट उपकुलपति भोला थापा र गाउँपालिकाको तर्फबाट अध्यक्ष भगवान अधिकारीले हस्ताक्षर गरेका थिए
समझदारीपत्रमा प्रारम्भिक प्राविधिक अध्ययन गर्ने विषय उल्लेख गरिएको छ । सुरुङको लम्बाइ एक देखि एक दशमलव पाँच किलोमिटरसम्म हुने अनुमान गरिएको गाउँपालिकाका अध्यक्ष अधिकारीले बताए ।
सुरुङमार्ग निर्माणका लागि गाउँपालिकाले १० लाख रुपैयाँ विनियोजन गरेको समेत अध्यक्ष अधिकारीले जानकारी दिए ।
बेथानचोक–४ को सेती भिरमा समय समयमा गइरहने सुक्खा पहिरोबाट हुने सडक बन्दको दिगो समाधानका लागि सुरुङमार्ग निर्माण गर्न लागिएको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपालबाट विदेश जाने नेपालीले लगेएक खर्ब ७० अर्बभन्दा बढी रकम
- आज संसदमा बजेटका सिद्धान्त र प्राथमिकतामाथि छलफल हुँदै
- ‘हेल्लो काँशीराम’ को अर्को गीत ‘खैजेडीको घेरो’ सार्वजनिक (भिडिओ)
- गौतम बुद्धको ४० उपदेश जसले तपाइँलाई धेरै कुरा महसुस गराउँछ
- मुद्रास्फीति ३.३९ प्रतिशत, कोशी प्रदेशमा सबैभन्दा बढी महँगी
- काेशी प्रदेश प्रमुखले दिए बुद्धजयन्ती तथा किरातहरुको महान चाड उभौली, साकेलाको शुभकामना
- ‘बुद्धं शरणं गच्छामि’, ‘धम्मं शरणं गच्छामि’
- सामुदायिक विद्यालयमा घट्दाे विद्यार्थीबारे राष्ट्रियसभामा पाैडेल गराए ध्यानाकर्षण
- सेयर बजारमा गिरावट
- नीति तथा कार्यक्रम बहुमतले पारित
प्राप्त प्रतिक्रिया
तपाईँको मत
प्रतिकृया दिनुहोस