गाउँ सहर

सुकुम्बासी बस्तीमा महानगरको टोलीमाथि ढुंगामुढा

• गाउँ सहर संवाददाता
• १२ मङ्सिर सोमबार, २०७९ | १५:३२:०० मा प्रकाशित

काठमाडौं ।थापाथलीस्थित बागमती किनारमा रहेको सुकुम्बासी बस्तीमा महानगरको टोलीमाथि स्थानीयहरुले ढुंगामुढा गरेर तनावग्रस्त बनेको छ ।

सुकुम्बासी बस्ती हटाउन पुगेको महानगरको टोलीमाथि स्थानीयहरुले ढुंगामुढा गरेपछि बस्ती तनावग्रस्त बनेको हो ।

यता एकीकृत बागमती सभ्यता विकास समितिले ४ मंसिर सम्मको समय राखेर बस्ती खाली गर्न सूचना जारी गरेको थियो । सुचना जारी गरेपनि वैकल्पिक व्यवस्थाविनै हटाउन थालेको भन्दै उनीहरुले महानगरको टोलीमाथि ढुंगामुढा गरेका हुन् ।

समितिले सूचना जारी गर्दै नदी किनारामा अनधिकृत रूपमा निर्माण भएका घरटहरा तथा निर्माण सामग्री र सवारी साधनहरू हटाउन ४ मंसिरसम्मको समयसीमा दिएको थियो ।