सय मिटर दौडमा सरस्वतीकाे कीर्तिमान, सटपुटमा नेपाल पुलिसकी चन्द्रकलालाई स्वर्ण
- विष्णुहरि पाैडेल
- २९ असोज शनिबार, २०७९ | १७:३६:०० मा प्रकाशित
पोखरा । पोखरामा जारी नवौं राष्ट्रिय खेलकुद अन्तरगत एथलेटिक्सको महिला १०० मिटर दौडमा त्रिभुवन आर्मी क्लबकी सरस्वती चौधरीले राष्ट्रिय कीर्तिमान कायम गरेकी छिन् । कीर्तिमान सहित उनले सहित स्वर्ण जितेकी छन् ।
ओलम्पिक खेलमा समेत सहभागी भएकी चौधरीले शनिवार विहान भएको हिट चरणमा लुम्बिनी प्रदेशकी निशा चौधरीले बनाएको कीर्तिमान तोड्दै स्वर्ण जितिन् । सरस्वतीले १२.१३ सेकेण्डमा दौड पूरा गरेर राष्ट्रिय कीर्तिमान बनाएकी हुन् । दुई सेकेण्डको अन्तरले उनले कीर्तिमान कायम गरेकी हुन् ।
हिट चरणमा लुम्बिनीकी निशा चौधरीले १२.१५ सकेण्डको कीर्तिमान बनाएकी थिइन् । तर फाइनलमा भने निशाले निर्धारित दुरी पूरा गर्न १२.२२ सेकेण्डको समय लगाइन् आफ्नै कीर्तिमान कायम राख्न नसकेकी निशाले उनले रजत पदक जितिन् । आर्मीकी रमिता थारुले कास्य जितिन् ।
सरस्वतीले आठौं राष्ट्रिय खेलकुदमा १२.१९ सेकेण्डमा निर्धारित दुरी पार गरेर स्वर्ण जितेकी थिइन् ।
महिला सटपुटमा नेपाल पुलिसकी चन्द्रकलालाई स्वर्ण
महिला सटपुट ईभेण्टमा नेपाल पुलिस क्लवकी चन्द्रकला लामगादेले स्वर्ण पदक जितेकी छिन् । सो ईभेण्टमा उनले १२ दशमलव ४० मिटरको दुरी पार गर्दै स्वर्ण जितेकी हुन् ।
त्यसैगरी लुम्बिनी प्रदेशकी संगीता अधिकारीले रजत पदक जितेकी छन् । उनले १० दशमलव ८३ मिटरको दुरी पार गर्दै रजत पदक जितेकी हुन् ।
नेपाल पुलिस क्लवकै बसन्ती चौधरीले ९ दशमलव ८६ मिटरको दुरी पार गर्दै काँस्य पदक जितेकी हुन् ।
विष्णुहरि पाैडेल
पाैडेल गाउँ सहर डटकमका पाेखरा संवाददाता हुन् ।
- १२औं संस्करणको राष्ट्रिय हेमजा आलु महोत्सव सुरु
- वेगनासतालमा प्रथम ड्रागन बोट रेस प्रतियोगिता हुने
- लेखनाथमा खेल महोत्सव शुरु : उद्घाटन खेलमा आयोजक सुर्यताराको विजयी शुरुवात
- पोखरा बृद्धाश्रमको २८ औं स्थापना दिवस
- पोखराकाे छिनेडाँडामा स्थानीय महोत्सव सम्पन्न
- पोखरामा चैते धानको पकेट क्षेत्र घोषणा गर्न छलफल
- पोखरामा विश्व सिमसार दिवस मनाइयो
- वेगनासमा पुरस्कारसहित मह खाने प्रतियोगिता
- शान्ति उदय माविको ६४औं बार्षिकोत्सव
- पोखरा महोत्सव सुरू, सभामुख घिमिरेले गरे उद्घाटन
प्रतिकृया दिनुहोस