सञ्चार

प्रेस युनियनकाे निर्वाचन, ११ बजेदेखि ४ बजे सम्म भाेट हाल्न पाइने

काठमाडौँ । नेपाली कांग्रेसको शुभेच्छुक संस्था नेपाल प्रेस युनियनको नवौँ महाधिवेशन अन्तर्गत नयाँ नेतृत्व चयनका लागि आज शनिबार मतदान हुँदैछ ।

अध्यक्षका लागि संस्थापन पक्षको तर्फबाट अनिता विन्दु र इतर पक्षबाट शिव लम्सालबीच प्यानल बनाएर प्रतिस्पर्धामा उत्रिएका छन् । महाधिवेशनले आगामी तीन वर्षका लागि नयाँ नेतृत्व चयन गर्नेछन् ।

बागमती प्रदेशको राजधानी हेटौँडामा जारी महाधिवेशनमा बिहान ११ बजेदेखि मतदान सुरू हुने निर्वाचन समितिले जनाएको छ । दिउँसो ४ बजे सम्म तोकिएको मतदान सकिएपछि शनिबार नै गणना गर्ने तालिका छ ।

झन्डै ८ वर्ष पछि हुन लागेको महाधिवेशनमा भाग लिनका लागि १ हजार ६ सय ३० प्रतिनिधि हेटौँडा पुगेका छन् ।

नवौं महाधिवेशनको उद्घाटन प्रधानमन्त्री एवं नेपाली कांग्रेसका सभापति शेरबहादुर देउवाले शुक्रबार गरेका थिए ।

गाउँ सहर संवाददाता