गाउँ सहर

प्रतिनिधि सभाको उपसभामुखमा पुष्पा भुसाल विजयी

• गाउँ सहर संवाददाता
• ३१ असार शुक्रबार, २०७९ | १६:५३:०० मा प्रकाशित

काठमाडौं । प्रतिनिधि सभाको उपसभामुखमा पुष्पा भुसाल विजयी भएकी छन् ।

शुक्रबार संसदमा भएको मतदानमा पाँचदलीय गठबन्धनकी साझा उम्मेदवार नेपाली कांग्रेसकी सांसद भुसालले  १४८ मत पाइन् ।

यस्तै प्रमुख प्रतिपक्षी दल नेकपा एमालेकी सांसद विद्या भट्टराईले ९३ मत पाइन् । 

एक जना सांसदले मतदान प्रक्रियामा सहभागी भएका थिएनन् ।

उपसभामुख निर्वाचित हुनु अघिसम्म भुसाल कांग्रेसको तर्फबाट सचेतक थिइन् ।

उनी कांग्रेसको केन्द्रीय सदस्यसमेत हुन् ।

२०७६ साल माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि अहिलेसम्म खाली रहेको यो पदमा आज चुनाव भएको हो ।