राजनीति

भारत जाँदै प्रचण्ड

• गाउँ सहर संवाददाता
• ३१ असार शुक्रबार, २०७९ | ०६:५९:०० मा प्रकाशित

काठमाडौं । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ आज भारत जाँदै छन् । उनी तीनदिने भ्रमणका लागि भारत जान लागेका हुन् ।

उनी दिउँसो १ बजे नयाँदिल्लीतर्फ उड्ने बताइएको छ ।

भारतमा उनले उच्चस्तरीय राजनीतिक भेटवार्ता गर्ने भारतीय दूतावास स्रोतले जनाएको छ । प्रधानमन्त्री नरेन्द्र मोदीसँग पनि भेटको चाँजोपाँजो मिलाउने बताइए पनि त्यो निश्चित भइसकेको छैन ।

सचिवालयका अनुसार भारतीय जनता पार्टी (भाजपा)का अध्यक्ष जगतप्रकाश नड्डाले भ्रमणको औपचारिक निम्तो दिएका थिए ।

प्रचण्ड आउँदो आइतबार स्वदेश फर्कने भ्रमण तालिका छ ।