गाउँ सहर

एलआइसीले दियो मृत्युदाबी  

पाेखरा । जीवन विमाको क्षेत्रमा अग्रणी संस्था एलआईसी नेपालले स्वर्गीय कमल अधिकारीको परिवारलाई मृत्युदावीको रकम हस्तान्तरण गरेको छ । 

पोखरा महानगरपालिका वडा नं २६ बुढिबजार निवासी ४२ वर्षिय कमल अधिकारीले वि स २०७७ भदौमा एलआईसी नेपालमा ४० लाख ७० हजारको बीमा पोलिसीमा मृत्यु दावी परेपछि उनको आश्रीत परिवारलाई शुक्रवार एक कार्यक्रमकाबीच पोखरा महानगरपालिकाका वडा नं २७ का वडाअध्यक्ष पुर्णकुमार गुरुङले ४३ लाख ४२ हजार छ सय ९० रुपैयाँको चेक हस्तान्तरण गरेका हुन् । 

स्वर्गाीय अधिकारीको बीमा गरेको आठ महिनामा नै कोरोना संक्रमणका कारण २०७७ चैतमा निधन भएपछि निजकी श्रीमती लक्ष्मी अधिकारी र छोरा विकास अधिकारीलाई बीमाङ्क र एक वर्षको लाभांशसहित ४३ लाख ४२ हजार छ सय ९० रुपैयाँको चेक प्रदान गरिएको हो ।

अधिकारीले पहिलो किस्ताको दुई लाख रुपियाँ मात्र बुझाएका थिए ।

गाउँ सहर संवाददाता